Фотографијата на вашите сакани може да ви ја олесни болката, дури  иако тие не се покрај вас.

Многу мајки им ја нудат својата рака како предмет за стискање на своите деца за да ги охрабрат за време на вакцинација во докторската ординација. Ние инстинктивно знаеме дека контактот со саканите може да ни помогне при намалувањето на болката - и научните докази се согласуваат со тоа. Две неодамнешни студии покажуваат дека самата  фотографија од отсутните сакани може да овозможи исто олеснување.

Студијата на Psychological Science во 2009 прва го покажа овој ефект. Психологот Сара Мастер од Универзитетот Калифорнија, Лос Анџелес и нејзините колеги простудираа 25 жени и нивните момчиња со кои беа заедно повеќе од шест месеци. Истражувачите ги изложија жените на разни нивоа на топлинска стимулација - остра, пецкачка сензација во разни ситуации. Во првиот случај ја држеа раката на нивното момче кое седеше зад завесата. Во втората ситуација ја држеа раката на непознат маж зад завесата. Потоа, беа ставени во позиција да гледаат фотографија од нивното момче или од непознат маж. Држењето за раката или гледањето на сликата од нивниот партнер значително повеќе ја намали болката на жената отколку допирањето или гледањето на странецот - а сликата беше подеднакво ефективна како и физичкиот контакт.

Најновата студија објавена во списанието PLoS One се обиде да навлезе во човечкиот  мозок за подобро да разбере како љубовта ја смирува болката. Нерологот Џаред Јангер од Стенфорд Универзитетот и неговите колеги регрутираа 15 студенти кои беа во првите девет месеци од нова и страстна врска. Додека лежеа во функционалната МРИ машина, учесниците се фокусираа на фотографии од нивните родители или на слики од исто атрактивни познаници или играа асоцијација со зборови. За време на оваа расеаност, експериментаторите применија блага, средна или болна температура на дланките на студентите. Сликите на атрактивните познаници не беа ефективни аналгетици, но загледувањето во лицата на останатите значајни личности и играњето на игра со зборови ја намали изјавената болка во просек за 36 до 44 проценти и високата болка помеѓу 12 и 13 проценти.

Сепак, само сликите од љубените предизвикаа активност во центарот за задоволства помеѓу амигдалата, хипоталамусот и медијалниот орбитофронтален кортекс. Лицата на романтичните партнери исто така ја намалуваа активноста во големите области кои ја обработуваат болката, како левиот и десниот заден инсул. Бидејќи центрите на задоволства не затреперија како одговор на играта со зборови, истражувачите аргументираа дека лекувачкото дејство на романтичната љубов не е чиста расеаност - тоа е блаженство силно како и кокаинот.

Фотографијата може нема потреба да прикажува значјна личност за да продуцира аналгетични ефекти, смета неурологот Луси Браун од Алберт Ајнштајн колеџот за медицина од Јешива Универзитетот, кој не беше вклучен во студијата. “Дали сликата од момчето или девојката функционира подобро отколку таа од брачниот другар, детето или саканото милениче, не сум сигурен,” вели таа. Затоа наредниот пат кога ќе треба да се стиснете во тесното авионско седиште или да се справите со лоша настинка, земете ја со себе сликата од саканата личност која ќе ви ги олесни маките.