Мажите и жените различно реагираат на стрес.

Едно ново истражување покажува дека кога мажите под стрес гледаат во налутени лица, тие се опуштаат, барем така покажуваат снимките на мозокот – се намалува активноста на мозокот во пределите одговорни за процесирањето на емоциите и изразите на лицето кај другите луѓе. Од друга страна, жените под стрес ја зголемуваат активноста на мозокот во тие предели.

Податоците можат да послужат како невролошка основа за откритието дека жените повеќе се изразуваат отколку мажите. Истражувачите сеуште не знаат зошто постојат вакви промени, меѓутоа, една од причините може да е интеракцијата помеѓу хормоните за секс со хормоните за стрес.

„Ретко наоѓаме разлики во половите, меѓутоа, кога почнавме да анализираме како стресот влијае врз когнитивните способности, разликите во стресот кај двата пола се различни,“ – вели Мара Матер од Универзитетот во Јужна Калифорнија. „Гледаме разлики кои не би се појавиле ако луѓето биле под стрес.“

Два пола под стрес

Психолозите уште од одамна се свесни дека стресот различно влијае врз мажите и жените. Жените бараат поддршка од околината, а мажите повеќе сакаат да се повлечат. За да дознаат дали ваквите разлики во мозокот влијаат врз ваквите однесувања, Матер и нејзините колеги се фокусираа на амигдалата, структура во форма на бадем која се наоѓа длабоко во нашиот мозок и помага при процесирањето на заплашувачки стимуланси како што се налутените лица. Истражувачите исто така ја анализирале и инсулата, уште една структура во мозокот која го активира сочувството и темпоралниот лобус, предел во мозокот позади ушите кој е одговорен за разбирањето на состојбата на другите луѓе.

Истражувачите ги мереја нивоата на хормонот за стрес наречен кортизол од примероците на плунка што ги собрале од 47 доброволци. Потоа, половина од мажите и половина од жените ги ставија рацете во ладна вода и ги држеа во вода три минути, додека остатокот ги ставија рацете во топла вода.

И на двете групи им беше направена снимка на мозокот која го мереше протокот на крв во ралични предели на мозокот. Доброволците дадоа уште еден примерок од плунката за да се измере нивото на хормони на стрес. Потоа, истражувачите продолжија со скенирањето на нивните мозоци додека доброволците гледаа слики од 160 лица, 80 со налутени лица и 80 со неутрални.

Стресот и мозокот

Истражувачите открија дека мажите и жените кои ги држеле рацете во ладна вода, исто реагирале на искуството, така покажуваат нивоата на кортизол. Меѓутоа, стресот различно влијаел врз нивниот мозок. Кога мажите кои биле под стрес ги гледаа сликите од неутралните и налутените лица, нивниот мозок покажа намалување на активноста на лицевиот предел кој е поврзан со препознавањето на лица. Сигналот измерен на нивниот лицев предел бил 0,75 %, во споредба со 1,5% кај мажите кои ги држеа рацете во топла вода. Кај жените оваа паралела била 1,5 % кај жените кои ги држеа рацете во ладна вода, а 0,75% кај останатите.

Истражувачите забележаа хормонална корелација: колку биле повисоки нивоата на тестостерон, толку биле пониски нивоата на изразување на лицето. Кога ја направиле истата анализа со естрогенот, не можеле да направат ваква паралела. Податоците ја поддржуваат теоријата дека хормоните се коренот на разликите кај реакциите на стрес кај мажите и жените.

Интеракцијата меѓу пределите кои ги анализираат емоциите како што е десниот темпорален лобус, инсулата и инфериорниот фронтален гирус исто така се разликувале според полот. Истражувачите го разгледувале мерењето наречено функционална поврзаност, кое открива до кој степен пределите во мозокот симултано се активираат. Мажите покажале пониска функционална поврзаност помеѓу овие предели кога биле под стрес, а жените покажале повисока. Изгледа дека кога жените се под стрес, социјалните и емоционалните предели на мозокот се актвивираат. Кај мажите тие се опуштаат.

Истражувачите не знаат дали овие разлики во мозокот се вродени или се производ на социјализацијата, и не можат со сигурност да кажат дали намалената активност кај мажите под стрес ги наведува да бидат поопуштени, или пак тие наоѓаат начин да го компензираат ова. Сепак, Матер вели дека другите истражувања до сега не покажале дека постојат разлики кај мажите и жените под стрес. Најбитната поента на нивното истражување е дека откриле дека постои разлика.