Следниот пат кога нервозно ќе се подготвувате за испит или за интервју за работа, повежбајте, за да останете смирени и фокусирани.

Вежбањето е краткотрајна терапија за нервозата, вели Џонатан Абрамовиц, директор на клиниката за стрес на Универзитетот во Северна Каролина.

Всушност, истражувањата покажуваат дека вежбањето е сосема ефективен лек против нервозата.

Иако сметаме дека станува збор за негативна појава, вознемиреноста е нормална емоција, вели Абрамовиц. Се развила кај нашите предци како одговор на опасноста. Кога чувствуваме некаква закана, почнуваме да се потиме, ни се зголемува работата на срцето и ни се забрзува дишењето.

Се разбира, опасностите на денешницата – лоша оцена на испит или работа која не не’ задоволува предизвикува слично чувство. Во вакви случаи, остануваме само со непријатното чувство на вознемиреност, потни дланки и вознемирено срце.

Вежбањето може да ви помогне да се справите со вознемиреноста и да ја подобри вашата состојба, вели Абрамовиц. Притоа, вашето тело ослободува ендорфин, хормон што ја намалува болката и го зголемува пријатното чувство.

Еве неколку совети како да ја намалите вознемиреноста:

- Кога почнувате да вежбате, направете план. Ако вежбате често а кратко, нема да се напрегнете и нема дополнително да го зголемите стресот.

- Колку вежбање е потребно за да се намали стресот? Тоа зависи, вели Абрамовиц. Ако веќе сте во добра физичка состојба, пробајте со 40-минутни вежби, 3-5 пати во неделата. Меѓутоа, најдобро е да вежбате доволно време за да се одморите од околината.

- Кога треба да се консултирате со лекат? Околу 40 милиони американци имаат проблеми со стресот, покажува Националниот институт за ментално здравје. Иако вежбите ви помагаат да се справите со стресот за кратко време, тие не се ефикасни кога станува збор за лечење на сериозните проблеми со стресот, опсесивните и компулсивните нарушувања, пост-трауматичниот стрес, нападите на паника и фобија, вели Абрамовиц. Ако имате вистински проблеми со стресот, мора да се консултирате со професионален лекар.

- Избегнувајте бензодиазепини, кои ги има во лекарствата Занакс, Валиум и Клонопин. Тие се лекови кои брзо функционираат и ги отапуваат сетилата, и притоа многу лесно луѓето стануваат зависни од нив. Абрамовиц вели: „Тие не помагаат долгорочно.“

Абрамовиц ги советува луѓето да не се плашат да побараат помош од стручен лекат кога овие совети не помагаат. Терапевтите можат да им помогнат со дополнителни совети без лекарства.

„Луѓето треба да ја пробаат терапијата на когнитивно однесување со професионален терапевт пред да почнат да пијат апчиња за смирување,“ – вели тој. „Овие проблеми се лечат.“