Студија со дебели пациенти кои поминуваа низ операција за слабеење (бариатричка операција) покажува дека, понекогаш, страничните ефекти на лековите или медицинските процедури се корисни.

Д-р Џон Гунштад и тим на истражувачи открија дека пациентите кои поминаа низ бариатричката операција покажаа подобрена функција на меморијата 12 седмици по операцијата.

"Првичната идеа дојде од нашата клиничка работа," вели Гунштад. "Јас работев во Медицинската школа Браун во Род Ајланд во тој период и имав можност да работам со голем број на луѓе кои сакаат да ослабат преку промени во однесувањето или преку операција за слабеење."

Гунштад, невропсихолог, забележа дека пациентите прават слични психички грешки.

Во студијата, истражувачите следеа 150 учесници (109 пациенти со бариатричка операција и 41 дебели контролни субјекти). Од оваа група, многу пациенти со бариатричка операција покажаа пореметени резултати на когнитивното тестирање.

Истражувачите открија дека пациентите со бариатричка операција демонстрираа подобрена меморија и концентрација 12 седмици по операцијата, подобрувајќи се од лесно пореметен спектар до нормален.

"Примарната мотивација за барањето на пациенти кои минаа низ операција е тоа што знаевме дека тие губат многу тежина во краток период, затоа тоа беше добра група за студирање," вели Гунштад.

"Ова е првиот доказ кој покажува дека минувајќи низ оваа операција, индивидуите може да ја подобрат својата меморија, концентрација и решавањето на проблеми."

Според истражувачите, студијата покажува дека проблемите со меморијата или концентрацијата може да се подобрат или да се елиминираат со намалување на дебелината - и, ова може да се случи за краток период.

Тимот ги следи учесниците во студијата две години. Тие ги тестираа субјектите пред операцијата, 12 седмици после операцијата и една година после операцијата, а ќе ги тестираат и на истекот од втората година.

Гунштад не беше изнанаден од наодите на студијата. "Многу од факторите кои доаѓаат заедно со дебелината - како висок крвен притисок, дијабет од топ 2 и апнеа во спиењето - кои може да го оштетат мозокот се донекаде реверзибилни," вели Гунштад. "Како што си заминуваат тие проблеми, функцијата на меморијата се подобрува."

Следниот проект на тимот ќе испитува дали луѓето кои губат тежина на старомоден начин добиваат исти ефекти ккао и оние кои минуваат низ бариатричка операција.

Гунштад вели дека очекува да види слични резултати.

"Едно од нештата кои ги знаеме е дека индивидуите стануваат кардиоваскуларно поспремни и нивното срцево здравје се подобрува, нивното мозочно здравје се подобрува," вели Гунштад. "Дури и ако земеме млади возрасни и ги ставиме низ програм за вежбање, нивната меморија и нивната концентрација се подобрува на крајот од програмот."