Анестезиолозите открија дека со помош на хипноза и локална анестезија, кај одредени операции може да се помогне во процесот на закрепнување и да се намалат количините на медикаменти за опоравување како и времето поминато во болница. Истата комбинација помага и при избегнувањето на појавата на рак и метастази, вели истражувањето презентирано на Европскиот Конгрес на анестезиолозите во Амстердам.

Професорот Фабиен Роелантс и доктор Кристин Ватремез од одделот за анестезиологија на Универзитетот во Брисел, Белгија, го проучуваа влијанието од употребата на локална анестезија при одредени операции на рак на дојката и тироидната жлезда. „Во сите операции, анестезијата се користеше но до одредена мера, доволно за пациентот да се опушти," – вели професор Роелантс.

Во првото истражување, 18 од 78 жени беа изложени на хипноза при операција на дојката или при биопсија, дисекција, додека останатите примиле целосна анестезија. Иако пациенките кои биле под хипноза поминале малку подолго време во операционите сали, дозата на опијати при нивното успивање била многу мала, а исто така, пократко било времето за опоравување.

При операциите направени врз тироидната жлезда, истражувачите ги споредиле исходите од 18 пациентки со локална анестезија и хипноза со 36 кои примиле целосна анестезија. Уште еднаш се покажало дека со хипноза, се намалува дозата на медикаменти и времето потребно за пациентките да закрепнат.

„Не само што се користи помала доза на медикаменти и пократко е времето на закрепнување, туку избегнувањето на целосната анестезија при операција на рак на дојката е многу значаен чекор затоа што знаеме дека локалната анестезија може да ги блокира реакциите на стрес предизвикани од операцијата и со тоа се намалува можното ширење на метастази," – вели професор Роелантс.

„Ние специјализиравме на хипноза заедно со уште неколку анестезиолози од болницата," – вели доктор Ватремез. „Треба да се заземат позициите, секако, само хипнотерапевтите можат да зборуваат со пациентот за време на операцијата и треба да избегнуваат негативи кои потсвеста не може да ги контролира, а хирургот мора да е нежен и да внимава на секое движење, како и да остане присебен во секоја ситуација."

„Замислете дека се возите во автомобил. Наеднаш станувате свесни колку далеку сте стигнале, но сето тоа време мозокот Ви бил отсутен. Ова често се случува, и тоа е само еден обичен хипнотички транс – модифицирана состојба на свеста и различна перцепција на светот. Принципот на хипнозаа е да го насочува вниманието на една одредена точка," – вели таа.

Таа точка може да е фиксирање на погледот, прогресивно опуштање на мускулите или навраќање на некој убав спомен. Многу истражувања покажале дека хипнозата ја намалува болката. Меѓутоа, сеуште со точност не се знае како функционира хипнозата. Некои истражувачи сметаат дека спречува пренесување на информација за болка до повисоките кортикални региони кои се одговорни за регистрирањето на болката.

Сепак, сеуште се водат дебати за точниот механизам со кој хипнозата го намалува регистрирањето на болката, вели професор Роелантс, но очигледно е дека хипнозата има таква моќ.

Нема ограничувања на полот и возраста кога хипнозата е во прашање, велат истражувачите. Ако пациентот е мотивиран да соработува и им верува на докторите, хипнозата ќе функционира успешно. Освен кај операциите за рак на дојка и тироидна жлезда, хипнозата може да се користи и во други операции.

„Сметаме дека нашите истражувања укажаа на големите придобивки на комбинацијата од локална анестезија и хипноза. Тоа се придобивки за пациентите, но и за целиот здравствен систем,. Со употребата на хипноза и локална анестезија ги намалуваме трошоците на пациентите, тие немаат потреба од долг престој во болница, а исто така со тоа им се намалува потребата од медикаменти потребни за опоравување." – вели Ватремез.