Добредојдовте во новиот свет на умствената технологија – линија на непобедливи и ефективни алатки кои ја зголемуваат моќта на мозокот.

Се чувствувате депресивно? Оставете ги антидепресивите. Пробајте со ТМС – електромагнет кој се става врз главата за да Ве опушти и го има истиот ефект како и медикаментите, но со помалку несакани ефекти.

Мислите дека сте глупави? Учењето некако бавно Ви оди? Не грижете се. Една доза на електрична струја во вашиот скалп е доволна за да ги стимулира вашите вештини за учење и размислување и може да Ве претвори од бавен ученик во брзинец.

Добредојдовте во новиот свет на умствената технологија – линија на непобедливи и ефективни алатки кои ја зголемуваат моќта на мозокот.

Транскрaниална магнетна стимулација или ТМС

Пациентите во депресија покажале намалена активност во мозокот, па затоа истражувачите работеа на тоа да развијат помагало кое ќе ја стимулира невронската активност. Електроконвулзивната терапија (ECT) на пример, е инструмент кој праќа силен шок од струја (600 милиграми) низ кортексот за да предизвика промени во невронската хемија. Иако овој начин на лекување е многу ефикасен, може да предизвика напади и има голем број на несакани ефекти како што е губењето на меморијата.

Транскарнијалната магнетна стимулација, од друга страна, е форма на мозочна стимулација која многумина ја сметаат за сосема неризична. ТМС работи со помош на магнети за да предизвика електрично струење што влијае врз невронската активност во фронталниот кортекс. Магнетната направа се става врз главата и произведува енергетско поле со јачина како тоа на магнетната резонанца. На пациентите им се даваат серии на третмани кои траат по 40 минути и најчесто нема никакви несакани последици.

Транскарнијална стимулација со директно струење

За разлика од ТМС, оваа стимулација е процес во кој се прикачуваат електроди на површината на скалпот, со што се остава простор за слабо струење од 1-2 милиампери. Овие електроди ја насочуваат струјата низ конкретни предели во мозокот.

Истражувањата покажаа дека оваа стимулација придонесува за лекувањето на Алцхајмерова болест, депресија и голема физичка болка. Исто така, се разгледува нејзината функција како алатка за засилување на мозокот. Според Дејвид Робсон, оваа стимулација ги подобрува математичките вештини и когнитивната активност.

Стимулација на мозокот со ултразвук

Биомедицинскиот инжинер Вилијам Тајлер премина преку магнетската и електричната стимулација, па сега прави обиди за стимулација на мозокот со ултразвук. На многу начини, ултразвукот изгледа како поуспешна и поефикасна технологија затоа што механизмите потребни за процесирање на ултразвук имаат моќ да стигнат до секој предел на мозокот.

Според Клер Вилсон, капацитетот на ултразвукот е сличен со тој на длабоката стимулација со струја – и двете имаат моќ да се фокусираат на 103 кубни милиметри на мозокот. Исто така, истражувачите можат да комбинираат неколку зраци заедно за да стигнат до подлабок предел во мозокот без да го оштетат ткивото. Досега, оваа технологија се користеше за да се "стиши" мозочното ткиво кое може да предизвика напади; оваа технологија се користи и за лекување на Паркинсова болест и депресија.

Поради тоа што имаат длабока продорност, овие зраци им даваат шанса на истражувачите да влијаат врз визуелната активност во мозокот на зајаците, да предизвикаат активност во моторниот кортекс и да ги стабилизираат хормоните и невротрансмитерите, што значи дека еден ултразвук може да се користи за контрола на психијатриски нарушувања, дебелина и зависност.

Уште една придобивка е тоа што, за разлика од другите умствени технологии, ултразвукот веќе има историја во научната заедница, веќе е воспоставен како алатка во медицинската заедница.

Сепак, колку и да изгледаат моќни, овие помагала мора да се употребуваат со претпазливост. Иако изгледаат побезбедни за употреба отколку медикаментите, мора да се разјаснат уште прашања во врска со нив и нивната безбедност.

Дали тие ќе ја пренасочат целата медицина и ќе помагаат на целото човештво?

И на крај, какво влијание ќе има врз универзалниот пристап за зголемување на моќта на мозокот? И дали тоа ќе ја промени целата претстава за човекот?