Мозокот секојдневно знае да не изненади со низа навидум обични, но сепак чудни и неразјаснети феномени.

Според научниците, користиме само 10% од нашите вкупни мозочни капацитети. Затоа не е изненадувачки што човечкиот мозок е една од најмалку истражените научни области, за која постојано дознаваме нови и интересни информации.

Кои се најинтересните и најмистериозни мозочни феномени? Еве неколку најпознати:

Веќе видено (Déjà vu)
Déjà vu е феномен кој ви се случува кога сте сигурни дека веќе сте ја проживеале или виделе некоја ситуација порано. Се чуствувате како нешто што веќе се случило сега да ви се повторува. Се чуствувате чудно, не сте сигурни дали сте го сонувале тоа или навистина ви се случило.

Веќе преживеано (Déjà Vécu)
Déjà vécu е тоа што луѓето го проживуваат кога ќе им се случи Déjà vu. Тоа е доживување на веќе видено, но со силни чуства пропратени со мириси и звуци. Често се јавува и чуството дека знаеме да предвидиме што следно ќе се случи. Ги препознаваме деталите и чуството е силно и необично, како визија која ни се причинува во главата.

Веќе посетено (Déjà visité)
Можеби ви се случило да го знаете патот до одредено место или одлично се снаоѓате во град во кој сте за прв пат. Натаниел Хавторн го запишал своето лично искуство во книгата “Our Old Home” во која ја опишува посетата на некој стар дворец во кој ги знаел сите соби. Истотака, ги знаел и сите патишта во околината на дворецот иако никогаш не бил таму.

Веќе почуствувано (Déjà senti)
Феноменот кој ви создава впечаток дека сте рекле нешто, а тогаш сваќате дека не сте изговориле ни збор. Ви се причинува дека се слушате самите себе како велите нешто. Но, после минута или две, констатирате дека не сте кажале ништо.

Духовитоста на скалилото (Lesprit de lescalier)
Сигурно ви се случило да се сетите на некое паметно решениe на проблемот што ве мачи, но предоцна. Некој ве навредил и вие во тој момент сте останале без зборови. Кога вашиот напаѓач веќе отишол, одненадеж во главата ви светнува генијален одговор, но за жал предоцна. Овој феномен е обично пропратен со силни чуства на вина и жалење.

Капграс илузија - илузија на негативен двојник (Capgras delusion)
Овој феномен е значаен по тоа што личноста мисли дека одреден член на семејството или близок пријател е заменет со лажливец со идентичен изглед. Тоа е поврзано со старото верување за украдени или заменети деца во породилиште или вонземјани кои го замениле телото на одередена личност. Оваа појава најчесто се поврзува со луѓе кои патат од шизофренија, но може да се појави и кај други личности.