Ако сакате да го подобрите помнењето – шетајте!

Кај здравите возрасни, хипокампусот - дел од мозокот кој е важен за формирањето на сеќавањата - започува да атрофира околу 55 или 60 година. Сега психолозите укажуваат дека хипокампусот може да биде скромно проширен, а меморијата подобрена – сето тоа само со редовна прошетка.

Во студијата објавена во The Proceedings of the National Academy of Sciences, истражувачите по случаен избор ангажираа 120 здрави возрасни, но седентарни мажи и жени (со просечна возраст во средината на 60-тите години) во една од две тестовни групи. Едната група одеше околу патека три пати неделно, растегнувајќи се и вежбајќи по 40 минути; додека другата група правеше бројни, но неаеробни вежби, вклучувајќи јога и тренинг на отпорност.

По една година, снимките на мозокот покажаа дека помеѓу “шетачите”, хипокампусот се  зголеми за околу 2 проценти во просек; кај другите, се намали за околу 1,4 проценти. Додека таквото опаѓање е нормално кај постарите луѓе, “2 процентното зголемување е прилично значително,” вели водечкиот автор Кирк Ериксон, психолог на Универзитетот од Питсбург. Двете групи ги подобрија резултатите на тестот за просторна меморија, но “шетачите” се подобрија повеќе.

Иако е тешко да се генерализираат резултатите од оваа студија на останатата популација, истражувачите беа восхитени со наодот дека хипокампусот може да се прошири со вежбање. “И тоа без многу вежбање,” истакна д-р Ериксон.

Луѓето не мора да се зачленат во теретана, наведува тој. Потребни им се само патики.