Научниците од Универзитетот во Колумбија заедно со колегите од Универзитетот во Мичиген, покажаа дека неврохемијата на плацебо ефектот може нависитна да ја намали болката. Научниците открија дека плацебо ефектот предизвикува ослободување на природни аналгетици кај луѓето.

Плацебо ефектот е подобрување во медицинската состојба предизвикана од верувањето на пациентот кое е спротивно на вистинската терапија. Досега, целиот плацебо ефект беше мистерија за науката.

Да се разбере како делува плацебо ефектот ќе му помогне на научниците да сфатат зошто некои лекови имаат ефект врз луѓето, како лековите и другите терапии работат заедно за да ја подобрат психолошката состојба, и како психологијата може да се покаже како корисна во оваа терапија.

Тимот на истражувачи беше под водство на Тор Вагер, професор по психологија на Универзитетот во Колумбија. „Плацебо ефектот често се разгледува при клиничката пракса, но постојат многу малку истражувања кои даваат податоци за тоа какви болести можат да се излечат со помош на ваква терапија и како истата влијае врз телото и мозокот." – вели тој.

„Сепак, плацебо ефектот се применува скоро во сите клинички терапии, што всушност укажува на неговата важност.,Научниците пред скоро време успеаа директно да анализираат како плацебо ефектот влијае врз човечкиот мозок." При експериментот, научниците го применија плацебо ефектот со помош на крем кој го мачкаа на рацете на доброволците. На испитаниците им беше кажано дека станува збор за крем кој ја намалува болката, а тоа не беше вистина. Потоа, истражувачите им нанесле слој на крем кој стимулира топлина и им ја мереа активноста на мозокот при секое премачкување. Тие открија дека плацебо терапијата предизвика ослободување на повеќе опоиди, хемикалии кои ги произведува телото за да ја намали болката.

Научниците открија дека при првата фаза, кога на испитаниците им бил намачкан крем кој наводно ја намалува болката, ослободувањето на опоиди се случило во пределот на мозокот одговорен за намалување на болката. Тие исто така регистрираа ослободување на опоиди во орбито-фронталниот кортекс кој е одговорен за справување со болката.

„Овие резултати ни даваат податоци за тоа како верувањето и очекувањето на мозокот се покажува при реакцијата на телото и како истиот ефект влијае и врз телото и врз мозокот на луѓето," – објаснува Вагер.