Едно ново истражување покажува дека конкуреницијата меѓу клетките ја подобрува меморијата во мозокот.

Податоците помагаат при истражување на причината за невролошки нарушувања како што е Алцхајмеровата болест, аутизмот и шизофренијата.

„Податоците за тоа како функционира мозокот ги добивавме од анализирањето на нашите сетилни и моторни системи, но многу малку се знае за механизмите што ги организираат нервните патишта кои се вклучени во посложените функции на мозокот, како што е меморијата," – вели авторот Хисаши Умемори.

Мозочните клетки растат и се прошируваат низ патиштата за да поврзат различни делови од мозокот, вели Умемори. Како што се развива мозокот, овие врски се приспособуваат една на друга и стануваат поефикасни. Проблемите со овој процес можеби се главните одговорни за некои невролошки нарушувања.

„Сакавме да дознаеме како мозочните патишта стануваат поефикасни во текот на развојот на мозокот." – вели Умемори. „Дали мозокот избира да одржува добри врски и да се ослободи од лошите и што се случува ако е така?"

За да се истраже како нервната активност ги организира патиштата на меморијата, истражувачите користеа глувци кои биле генетски модифицирани со тоа што нивните неврони за интерес биле отстранети за целите на истражувањето.

Научниците ја анализираа врската меѓу хипокампусот, кој претставува основа за формирањето меморија, и церебралниот кортекс, кој пак е основа за перцепцијата и свесноста, како и за други когнитивни функции. Истражувачите деактивираа околу 40 проценти од невроните за поврзување и, со текот на деновите, анализираа како мозокот ги елиминираше неактивните невронски врски и ги оставаше само активните.

Истражувањето покажа дека ако сите неврони се деактивирани, нивните врски не се елиминираат.

„Ова ни кажува дека мозокот наоѓа начин да одреде кои невронски врски се добри, а кои не," – вели Умимори. „Невроните си конкурираат едни со други. Но, ако сите се подеднакво лоши, нема да бидат елиминирани."

Истражувачите разгледаа и дел од хипокампусот кој е еден од двата предели на мозокот кој продолжува да генерира нови неврони. Тука тие открија втор тип на конкуренција: нови клетки кои се натпреваруваат со созреаните клетки, а се очекуваше да се открие натпревар само помеѓу созреаните клетки.

Кога научниците ја блокираа можноста за формирање нови клетки, елиминацијата престана а мозокот остана со веќе постоечките клетки кои не беа деактивирани.

Пораката е дека учењето и меморијата се формираат кога мозокот ги елиминира лошите врски, објаснува Умемори.

Тој додава: „Колку подобро ги разбираме механизмите за работа, толку подобро ќе разбереме што се случува кога тие не функцираат."