Според најново истражување објавено во  списанието "Биолошка психијатрија", човечкиот мозок го перцепира кокаинот како награда.

Кокаинот е една од најстарите познати дроги која започнува масовно да се користи кон крајот на 19-ти век. Истовремено, може да се каже дека навистина знаеме малку за нејзиниот ефект врз човековиот мозок или за механизмите кои доведуваат до зависност од неа. Најновиот натпис од др. Марко Лејтон при Невролошкиот Институт во Монтреал (НИМ), Мек Гил Универзитетот и Здравствениот Центар на МекГил Универзитетот, , не само што покажува дека мозокот реагира на кокаинот како на награда, туку исто така ја поврзува подложноста на зависност со овие механизми.

Резултатите од ова истражување покажуваат дека шмркањето кокаин предизвикува лачење на големи количества допамин во централниот мозочен регион кој се вика стријатум. Допаминот се активира како одговор на мозокот на некоја награда или на дрога која создава зависност.

Студијата беше спроведена врз 10 уживатели на кокаин (кои не беа зависници).

На денот на тестирањето сите тие вшмркаа кокаин, а наредниот ден земаа лажен бел прашок. Пред и по земањето на дрогата им беа направени тестови на крвта и им беше мерено нивото на допаминот со ПЕТ скенери.

"Способноста на кокаинот да го активира лачењето на допамин значително варираше од една до друга личност. Нашата студија укажува дека ова е поврзано со тоа колку личноста користела дрога во минатото," објасни Др. Лејтон. Колку повеќе некој користел кокаин за време на животот, толку повеќе мозокот ќе излачува допамин при секое наредно земање на "белиот прав". "Според тоа веројатно интензитетот на мозочната реакција на кокаинот како награда е поврзан со зголемена подложност на зависност," вели Др. Лејтон.

Иако често беше демонстрирана поврзаноста на употребата на дрога со интензитетот на лачење на допаминот, истражувачите се уште не можат целосно да разберат како тој механизам функционира. Дали постојаната стимулација која мозокот ја перцепира како награда создава зависност, или пак можеби тоа го прави подложноста на зависност која доведува до зголемено лачење на допамин? На ова прашање не е лесно да се даде одговор, со оглед на тоа што и други фактори се во игра (на пример, други аспекти од човековиот личен историјат).

Кој и да е одговорот на претходното прашање, врската помеѓу допаминот и кокаинот значи дека овој хормон е потенцијална "мета" за лечење од зависност. Потребно е да се извршат повеќе испитувања пред третманите, но оваа студија ни отвора сосема нови хоризонти на истражување.