Овошјето и зеленчукот директно влијаат врз работата на мозокот...Како?...

Понекогаш, научниците ни кажуваат работи за кои сме скоро сигурни дека ги знаеме. Сепак, секогаш е добро некој да ни каже дека она во што веруваме дека е точно, навистина е точно. Една група истражувачи од Франција истражуваше дали јадењето овошје или зеленчук во текот на 14 години навистина помага при превенцијата од намалување на когнитивната способност која кај луѓето се појавува во текот на стареењето. И навистина помага, еве како докажаа тие.

Истражувањето почнало да се спроведува врз околу 6800 возрасни лица, но само 2500 го поминале истражувањето. Овие лица биле на возраст од 45 до 60 години кога почнало истражувањето пред 13 години и од секој од нив било побарано да се држат врз детален режим на исхрана. Испитаниците биле анализирани на почетокот и на крајот на истражувањето врз основа на нивната когнитивна способност. Им биле мерени различни функции, како на пример, способноста за донесување одлуки, менталната флексибилност и др. На крајот, имаше и добри и лоши вести.

Најпрво, нивната храна вклучуваше различни видови на овошје и зеленчук, но во нив немаше компоти и суво овошје. Луѓето биле поделени на групи во кои исхраната била богата со фолна киселина, со овошја и зеленчук богати со бета каротен, исхрана со витамин ц и исхрана со витамин е. Испитаниците сами си избирале која исхрана ќе ја практикуваат во текот на денот, што значи внесувањето на витамини се менувало.

Податоците покажаа дека овошјето и зеленчукот имале различно влијание врз различни региони на мозокот. Кога исхраната се состоела само од овошје богато со витамин ц и е, најмногу се подобрувала вербалната меморија. За тестот, испитаниците требаше да запомнат 48 зборови и потоа да ги повторат. На овој тест се покажаа одлично. Време е за лошите вести.

Исхраната која се состоела само од зеленчук со бета каротен негативно влијаела врз функционирањето на организмот. Ако работата Ви се состои од донесување важни одлуки, избегнувајте исхрана со бета каротен. Овие овошја и зеленчуци имаат портокалева и жолта боја.

Ова истражување е навистина значајно затоа што авторите се обидоа да го откријат влијанието на одредени аспекти на нашата исхрана врз самото функционирање на мозокот. Јасно се покажа дека исхранат влијае врз работата на мозокот.