И покрај тоа што агресивното и импулсивното однесување можат да се појават од различни фактори, едно ново истражување покажува дека ниското ниво на мозочни невротрансмитери можеби е главната причина...

Импулсивните лица се агресивни и често конзумираат алкохол и дрога, а исто така се склони кон коцкање и често имаат проблеми со врските. Голем број од нив имаат проблем со приспособувањето кон социјалните ситуации. Едно ново истражување покажува дека причината поради која некои луѓе имаат вакво однесување е ниското ниво на невротрансмитерот ГАБА.

ГАБА е најпознатиот инхибиторен невротрансмитер и се изразува преку одреден дел од мозокот кој е поврзан со регулиањето на самоконтролата.
„Напредокот во технологијата со мозочните снимки ни овозможува да истражуваме одредени делови од човчкиот мозок и да разбереме како тие го регулираат однесувањето на луѓето,“ - вели Фредерик Бој, лидер на истражувањето.
„Јасно е дека однесувањето на луѓето резултира од некоја сложена интеракција помеѓу генетските, и социјалните фактори.“

Истражувачите анализираа мажи без никакви психијатриски проблеми. Потоа, им беше направена снимка со помош на магнетна резонанца за да им се измере количеството на ГАБА невротрансмитери во малите предели на мозокот.
Истражувачите открија дека мажите со поголема количина на ГАБА во предниот дел на мозокот имаа низок степен на импулсивност. Од друга страна, мажите со ниско ниво на ГАБА беа повеќе импулсивни. Податоците покажуваат дека „Ниските нивоа на ГАБА трансмитери се ризичен фактор за појава на нарушувања од типот на депресија или напади на паника.“ - вели доктор Џон Кристал.

Истражувачите сметаат дека овие податоци веројатно важат и за жените, но не било направено истражување со жени поради можното влијание на природните хормонски промени.
Во наредното истражување ќе се прави анализа на врскат помеѓу ГАБА невротрансмитерите и предфронталниот кортекс.
„После истражувањето, ќе можеме да направиме проценка дали постои можност за лекување на ГАБА дефицитот. Сметам дека ова ќе биде тешка задача затоа што ГАБА невротрансмитерите ги има низ целиот мозок и можеби ќе е тешко да се подигне нивото само во одредени предели,“ - вели Бој. „Исто така, треба да се направи истражување за тоа дали нивото на ГАБА трансмитерите во предниот дел на мозокот варираат со текот на времето.“