Многу луѓе велат дека нивните кучиња целосно го игнорираат тоа што се гледа на телевизија, додека пак други велат дека нивните кучиња често обрнуваат внимание на тоа што се случува на тв екранот. Сепак, тоа зависи од многу фактори. Пред се', зависи од визуелната способност на кучето.

Ако сликите што ги гледаме на екранот ги сведеме на најпростата дорма, движењето што ќе го видиме е всушност светлина која минува преку нашите очи. Се' се сведува на моментално зголемување или намалување на светлината.

За да се измере чувствителноста на светлина, поединецот гледа во осветлена табла. Ако бројот на трепкање е многу голем, и таблата изгледа како да е постојано осветлена. Ако е осветлена со флуоресцентна боја, ќе изгледа како постојано да сјае со една боја, а всушност ќе трепка со брзина од 120 трепкања во секунда. Во лабораторија, способноста за мерење на трепкањето се регулира со забавување на стапката на трепкање додека лицето не почувстува дека има трепкање. Кога луѓето биле тестирани, просечно луѓето забележувале дека светлината трепка кога стапката на трепкање била 55 пати во секунда. Постои можност да ги научете кучињата да ја направат оваа задача. Постојат кучиња кои препознаваат трепкање кога брзината е 75 пати во секунда.

Фактот дека кучињата полесно го перцепираат трепкањето се поклопува со ставот дека имаат подобра перцепција и за сликата во движење. Ова дава одговор и на често поставуваното прашање за тоа зошто кучињата не покажуваат интерес за сликите на телевизорот па дури и тогаш кога има емисија за кучиња. Трепкањето на екранот е 60 пати во секунда. За луѓето, ова е споена слика, затоа што тие немаат способност да го забележат трепкањето. На кучињата, тв екранот им делува како да трепка со голема брзина. Со тоа, сликите стануваат понереални, и затоа тие и не обрнуваат внимание. Сепак, напредокот на технологијата го менува бројот на кучињата што гледаат телевизија. Дигиталните екрани со висока резолуција се поинтересни за кучињата затоа што тука треперењата се побрзи и поспоени.

Сепак, луѓето се изненадени на податокот дека нивното куче реагира кога има куче на екранот, или пак некакво друго животно кое набрзина претрчува, но не реагираат на цртани слики од кучиња. Ова е доказ дека кучињата имаат огромна способност за гледање и точно знаат да ги интерпретираат движечките слики. Кога едно куче гледа цртана слика од куче, препознава дека таа фигура се движи, но неговите потези не се прецизни и не се слични како движењата на реалните и живите животни. Значи, тогаш само гледаат дека нешто се движи, но не го препознаваат како куче или било какво друго животно.