Компјутерска игра за подобро донесување на одлуки...дали е можно такво нешто? Ова не е фикција, туку реалност.

Истражувачите го навестија развојот на прототип на комјутерска игра која ќе го помогне во подобрувањето на способноста за донесување одлуки во сите аспекти од животот.

Поддржан од Советот за инженерски и физичко-научни истражувања, тим од Универзитетот Квинс во Белфаст, Ирска, откри прототип на компјутерска игра која ќе  може да се употреби од страна на производителите на комерцијални игри и како алатка за обучување или учење преку интернет за сите видови професионалци, а воедно и за  целата јавност.

Воедно, некои од прототипните својства би можеле да бидат инкорпорирани во веќе постоечките комјутерски игри со стратешки елементи.

Научниот тим кој работеше на проектот истражуваше дали луѓето можат да се обучат да носат подобри одлуки така што ќе ја подобрат својата способност да ги препознаат и преиспитаат сопствените мислења и предрасуди и точно да ја одредат својата несигурност  во веројатниот исход од одлуката.

На пример, доцните за воз. Дали ќе стигнете навреме доколку трчате? Или резултат ќе биде стресот поради неуспешен обид?

За да ги зголемите шансите за донесување на вистинската одлука, ќе треба да ги земете во предвид сите информации кои ви се достапни (кои може да се менуваат од минута во минута). Но, исто така помага ако, користејќи ги овие информации, се обидете да направите проценка на вашите шанси, која ќе биде поточна доколку ја земете во предвид вашата склоност да интерпретирате такви информации, врз основа на претходните искуства. Можеби знаете дали сте склони да бидете повеќе или помалку сигурни во слични ситуации.

На истиот начин, играта прототип (достапна за секого на worldofuncertainty.org) ги учи луѓето да ја земат во предвид својата несигурност и да научат од искуството кога се соочени со сличен избор.

“Тоа е првиот онлајн квиз дизајниран да им овозможи на луѓето да пресметаат колку се сигурни во своите одговори и да постигнат поголеми резултати доколку не ја игнорираат својата несигурност туку реалистички да и пријдат,” вели Дејвид Њуман, доктор по филолошки науки, кој го води овој проект.

“Без разлика дали изборите со кои се соочуваме се едноставни или сложени, поголемата свесност за нашата несигурност и предрасуди, може да го подобри квалитетот на донесување одлуки. Веруваме дека постои вистински потенцијал кај луѓето за стекнување на таа свесност преку компјутерските игри.”

Во иднина, игрите од овој тип би можеле да се користат за едукативни и забавни цели од страна на носителите на одлуки од јавниот и приватниот сектор, како и приватните индивидуи со цел подобрување на нивните способности за донесување на одлуки.

Преку 500 луѓе од општата популација , како и студенти од Институтот за технологија од Квинс и Дундалк, веќе го испробаа овој прототип.

Резултатите моментално се обработуваат за да се утврди степенот до кој тие научија да носат подобри одлуки.

“Играта која ја развивме е истражувачка алатка која ни овозможува да откриеме многу повеќе за мисловните процеси и психолошките механизми кои се вклучени при донесување одлуки,” вели Жилдиз Табилди Казај, постдипломец со потекло од Киргистан, клучен член во проектниот тим.