Машините, односно компјутерите учат да играат како и луѓето - по пат на учење и учество.

Еден компјутер што научил да ја играта позната како “компанија” ('scissors, paper, stone') само преку набљудување и имитирање на играчите може да стане дел од машина што ќе може автоматски да препознае натрапник или да одржува една задача, велат истражувачи од Велика Британија.

Когвис, машина направена од научниците на Лидз Универзитетот во Јоркшир, сама се учи како да игра детска игра преку следење на аудио и видео потезите на човечките играчи и потоа по пат на претпоставка ги разбира правилата на играта.

Наспроти постарите програми за вештачка интелигенција кои имитираат човечко однесување со веќе утврдени правила, Когвис има пореален аспект затоа што учи преку набљудување и мимики, велат истражувачите.

Учење преку учество

„Еден систем функционира сосема човечки, учи и учествува како секое дете на почеток на игра,“ – вели Дерик Маги од Универзитетот во Лидз.

Когвис набљудувал луѓе волонтери како играат и притоа користеле катрички на кои имало ножици, хартија и камен. Тие исто така нагласувале кој победувал во играта. Откако изгледал неколку партии, Когвис бил способен да покаже кој ќе биде победникот од тоа што гледал.

Индуктивна логика

Крис Нидам, еден од членовите на Когвис тимот, велат дека визуелниот процесор на системот ги анализира акциите преку одделни периоди на движење и мирување и ги распознава предметите преку боја и материјал. Кога ова ќе се искомбинира со аудио звукот, системот развива претпоставка за правилата на играта според принципот на индуктивна логика во програмирањето.

„Ова е навистина импресивно,“ – вели Макс Бремер, истражувач од Универзитетот ви Портсмаут. „Отсекогаш сме сакале да имаме компјутер кој може да ни ги толкува работите.“

Тој смета дека машините еден ден ќе можат да ја користат оваа техника за да забележат натрапник на видео снимка или пак да контролираат робот при некоја значајна задача. „Ова е навистина добар почеток и начинот на кој функционира е навистина мистериозен.“ – вели Бремер.

Стивен Магелтон вели дека Когвис комбинира неколку гранки на вештачка интелигенција, од визуелна анализа па се до логичко програмирање. „Резултатот од ова е една експлицитна испланирана и насочена теорија која се учи директно од визуелната и звуковната перцепција.“

Меѓутоа, Мегелтон сака да ги помести границите кон нешто покомплицирано. „Навистина ќе е интересно да се види дали оваа машина е способна да научи некои покомплицирани игри,“ – додава тој.