Опасно е премногу да се поистоветувате со вашиот виртуелен идентитет.

Во ова време ни се случуваат огромни промени во општеството поради постоењето на социјалните мрежи како што се Twitter и Facebook. Се’ повеќе луѓето се поистоветуваат со нивните виртуелни идентитети отколу со нивната вистинска и реална личност. Со ова, светот се затвора. Кога луѓето пополнуваат апликација за некое место, тие располагаат со секакви идеи, меѓутоа немаат никакво практично искуство во реалниот живот.

Луѓето се грижат за тоа што се случува во светот, сакаат да видат нови извори на алтернативна енергија и сакаат да ги читаат он-лајн вестите и статиите за наука, филозофија, психологија, иновација, вселена, инфраструктура, геополитика итн. Тие имаат толку многу идеи за како најдобро да се води една цивилизација и за тоа какви продукти треба да се пласираат на пазарот. Сето тоа е добро и прекрасно меѓутоа, тие никогаш директно не учествувале во некој ваков процес, и никогаш не работеле во компании на толку висока позиција за да се способни да носат одлуки.

Нивните ставови се градат врз ставовите на нивните пријатели по социјалните мрежи кои исто така ништо не направиле. И што е уште полошо, затоа што нивните пријатели ги поддржуваат и им велат дека се паметни, тие почнуваат да веруваат дека навистина се паметни, а реалноста е дека тие само презеле туѓи информации што ги слушнале од медиумите, политичарите или од некои луѓе кои коментирале на таа тема по социјалните мрежи, и на крај, ги користат овие мисли како свои. Но, овие информации се достапни за секого, не само до нив, меѓутоа, ако имаат голем број пријатели на Facebook, покажувањето на ваков став ги прави паметни.

Психијатарот Илајас Абожонд ја коментираше он-лајн статијата наречена „Опасноста од е-личноста“: „Според оваа статија напишана за е- личноста, прекумерното користење на интернет, телефон и останата технологија може да не направи понестрпливи, поимпулсивни и нарцисоидни.“

Се разбира, оваа статија сигурно е интересна за читање и го потврдува општото мислење за социјалните мрежи. Проблемот е реален. Се’ почесто се случува да забележиме дека кога некому поставуваме сосема нормално прашање, тие веднаш го бараат одговорот на Google, па враќаат мејл со сигурниот одговор. Меѓутоа, не се свесни дека секој човек на светот може да го направи истото, и секој кој знае која е темата на прашањето или пак работи со таа тема исто така може да ги знае сите информации.

Проблемот кај овие луѓе не е размислувањето, меѓутоа, тие сепак се сметаат себеси за паметни, иако немаат конкретно знаење скоро за ништо и никогаш не направиле ништо во реалниот свет. Ова е само пример за лажно его кое може да е навистина опасно.