Според докторите, Фејсбук депресијата лошо влијае врз тинејџерите кои се опседнати  со оваа социјална мрежа.

Истражувачите сеуште не знаат дали да ја класифицираат како фаза на депресијата која децата ја чувствуваат и во други околности или станува збор за сосема различна форма која се појавува под влијание на оваа мрежа.

Фејсбук има неколку аспекти кои можат да го направат потежок животот на адолесцентите кои веќе имаат проблем со самодовербата, вели доктор Гвен О’ Киф.

Зголемување на пријателствата, обновувањето на статусите и ставање на фотографии со среќни лица, може да направи некои деца да се чувствуваат уште полошо отколку што мислат дека се чувствуваат.

Тоа може да е поболно и од тоа едно дете да седи само во преполната кафетерија во училиштето, вели О’ Киф, затоа што Фејсбук дава лажна претстава за тоа што навистина се случува. Кога луѓето се на Фејсбук, нема начин да ги видиме нивните вистински изрази на лицето или пак говорот на телото за да сфатиме што мислат.

Целта на ова предупредување е родителите да станат свесни и да разговараат со нивните деца за употребата на Фејсбук и да им кажат за ваквата депресија која е само мал дел од ризиците на кои се подложни младите кога користат интернет.

Аби Аболт (16), ученик во средно училиште во Чикаго и редовен корисник на Фејсбук, вели дека никогаш не почувствувала депресија кога ја користела страната, ама е свесна како може да влијае врз младите.

„Ако навистина немате многу пријатели и не се занимавате со нешто во животот, ги гледате статусите и сликите на другите и што правеле тие со своите пријатели, тоа може да ве растажи и вознемири,“ – вели таа.

„Тоа е како натпревар за популарност за тоа кој ќе има најмногу покани за пријателство или најмногу тагирани слики,“ – вели таа.

Исто така, се’ почесто тинејџерите оставаат лоши пораки на Фејсбук за луѓето кои не ги сакаат, вели Габи Наваро (18). Ова им се случило на нејзини другарки, но, и таа е свесна зошто Фејсбук би можел лошо да влијае врз младите.

„Родителите мора да се свесни за ова,“ – вели Наваро.

Научниците сметаат дека он-лајн нападите „можат да предизвикаат длабоки психосоцијални однесувања, па дури и самоубиства. Петнаесет годишно девојче од Масачусетс се самоуби откако било нападнато и исмеано, во живо и на Фејсбук.“

„Сите млади луѓе се дружат преку Фејсбук,“ – вели О’ Киф.

Таа вели дека користењето на оваа социјална мрежа носи има свои придобивки, затоа што поврзува пријатели и семејства и разменува идеи.

„Многу работи на Фејсбук се всушност добри, само не смее да се претера,“ – вели таа.

Доктор Меган Морено од Универзитетот во Висконсин која го анализирала начинот на дружење на младите преку социјалните мрежи, вели дека Фејсбук може да ги подобри чувствата за социјална припадност кај дружељубивите деца, но го има спротивниот ефект кај оние кои се склони кон депресија.

Сепак, родителите не треба да мислат дека ако нивните деца користат Фесбук, ќе се заразат со депресија, вели таа.