Роботите можат да еволуираат да комуницираат едни со други, да си помагаат, па дури и да се мамат меѓусебе, според Дарио Флореано од Лабораторијата за Интелегентни Системи на Швајцарскиот Федерален Институт за Технологија.

Флореано и неговите колеги опремија роботи со светлосни сензори, во вид на светлосини прстени, и тркалца и ги сместија во живеалишта со светлечки "извори на храна" и делчиња од "отров" кои им ги полнеа или празнеа батериите. Нивните струјни кола беа испрограмирани да имаат само 30 "гени", елементи на софтверски код кои одредуваа колку тие чувствуваат светлина и како ќе одговорат на истата штом ќе ја почувстувуваат. Уште од самиот почеток роботите беа испрограмирани да засветкаат и започнат да се движат кога ќе почувствуваат светлина.

Со цел да создаде нова генерација на роботи, Флореано ги рекомбинираше гените на оние кои се покажаа како најспособни – кои успеаја да извлечат најголеми придобивки од изворот на храна.

Настанатиот код (со мала мутација додадена во вид на случајна промена) беше внесен во роботите за да се направат она што се во суштина, подмладок. Тогаш беа пуштени на слобода во нивното вештачко живеалиште. "Создадовме ситуација која е честа во природата – несигурна потрага по храна," вели Флореано. "Морате да пронајдете храна, но не знаете што е хранливо; доколку изедете отров, ќе умрете." Четири различни вида на роботски колонии можеа да јадат, да се размножуваат и да умираат (да им истече времетраењето).

До 50-тата генерација, тие веќе научија да комуницираат – светкајќи, во три од вкупно четири колонии, предупредувајќи ги другите кога наишле на храна или отров. Четвртата колонија понекогаш имаше роботи "измамници", кои светкаа за да им соопштат на другите дека отровот е храна, а самите ќе отидеа до вистинскиот извор на храна, водејќи сметка притоа да не испуштаат премногу светлина.

Сепак, некои роботи беа вистински херои. Тие предупредуваа на опасност и умираа за да спасат други роботи. "Понекогаш," вели Флореано, "го гледате тоа и во природата – животно кое ќе викне штом ќе здогледа грабливец; завршува како негов плен, а останатите ќе се спасат – но никогаш не очекував такво нешто да видам кај роботите".