Во медицинските кругови веќе се прифати терминот "сајберхондрија" – опседнатост на луѓето да ги проверуваат своите симптоми на интернет во страв од болест или смрт. Интернетот е совршен за хипохондриците, бидејќи обилува со информации.

Дури половина од граѓаните на ЕУ за здравјето се информираат и бараат медицински информации на интернет пребарувачите, велат податоците на порталот "Медицински интернет истражувања".

Според извештајот на порталот, во медицинските кругови веќе е прифатен терминот "сајберхондрија" за луѓето кои се опседнати со проверување на своите симптоми на интернет стравувајќи од болест и од смрт.

Лекарите во Германија проценуваат дека околу седум проценти од луѓето се жалат на болести кои всушност ги немаат и кои се оптоварени од постојан страв од разни симптоми.

Германскиот Институт за социјална медицина даде позтивна оцена само за три интернет страници кои се посветени на медицината и давањето медицински совети.

Во извештајот се вели дека истражувачите на интернет наоѓале медицински неодржани информации и дека дури 70 отсто од Германците на лекар би отишле само во екстремно итни ситуации.

Лекарите од Институтот предупредуваат дека доколку пациентите се потпрат само на информациите од интернет сајтовите, последиците по здравјето можат да бидат фатални.