Заедно со феноменот полтергејст, психокинезата претставува една од најзагадочните психолошки појави на денешницата. За што станува збор?

Психокинезата претставува психичка способност со која преку мозочната активност можат да се поместуваат објекти, свесно или несвесно. Зборот психокинеза, буквално значи движење на душата (psyche - душа; kinesis - движење).

Некои од најраните научни истражувања кои ја истражуваа проблематиката на психокинезата започнаа на Дјук Универзитетот со познатиот истражувач, Џ. Б. Рајни, кој ги развил некои од првите статистички протоколи за анализирање на ЕСП (екстрасензорна перцепција) феноменот. Неговиот интерес за психокинеза се манифестирал кога започнал да го истражува успехот на еден талентиран коцкар, за кој подоцна се испостави дека бил подобар статистичар отколку хазардер. Сето тоа го наведе Рајни да се запраша дали  психокинезата може да влијае врз тоа кој ќе биде успешен во коцкањето, а кој не?

Рајни потрошил десет години пред да ги објави своите трудови за психокинезата бидејќи од сите вредни работи кои ги истражувал, меѓу кои и се телепатијата и претчувството, почувствувал дека психокинезата може да биде најконтроверзна. Покрај тоа, имало проблеми кога после многу експерименти со рачно фрлени коцки, стана можно дека малите вградени ознаки, кои се јавуваат како црни точки на коцката, би можеле да влијаат на “тежината” на соодветните страни. Така, можеби коцките биле природно наполнети врз основа на нивните производители и ефектите на психокинезата биле имагинарни. За да се компензира овој можен природен ефект, Рајни создал машина за вртење на коцки.

Во еден од своите наредни експерименти Рајни спротивставил тим од професионални коцкари бил ставен наспроти тим студенти по богословија во статистички табелиран натпревар на фрлање коцки. Резултатот помеѓу двете страни бил нерешен, сепак беше забележано дека некои невообичаени сили дејствувале како во корист на коцкарите, така и во прилог на студентите.

Многу често бил користен и полтергејст феноменот (феноменот на привидување), кој подразбира брзо транспортирање на објекти за време сеанси поврзани со дух. Многу модерни парапсихолози беа под влијание на истражувањата на Центарот на Рајни. Тој верувал дека полтергејстот и психокинезата, обично се јавуваат кај проблематични адолесценти. Притоа, полтергејст феноменот може да му се припише на човечкиот елемент, односно на млада личност со пореметена емотивна или психичка состојба која може да предизвика настани кои служат како иницијална каписла за настанок на психокинезата.

Од поново време познати се два примери за луѓе кои тврделе дека поседуваат способност за психокинеза и тоа: израелскиот екстрасенз Ури Гелер и руската домаќинка, Нина Кулагина.

Гелер примарно бил познат по неговата способност за свиткување на лажици со психокинеза, а со помош на истата дури поправал и часовници! Сепак, магионичарот Џејмс Ранди бил голем скептик и тврдел дека неговото виткање лажици не е ништо освен трик.

Психокинезата на Нина Сергеевна Кулагина била истражувана од парапсихолозите кои со неа изведоа низа експерименти пред камера. За таа цела беше забележано движењето на седечките објекти, промената на траекторијата на објектите во движење, а беа изведени и експерименти при кои со помошта на психокинезата се забавуваше или зголемуваше темпото на срцебиење на мртво срце од жаба. Сето ова камерите го забележаа во документарец снимен во 1967. Исто така, нејзините психокинетички подвизи вклучуваа и движење на чкорчиња преку масата, лебдење на пинг-понг топче, па дури и создавање на изгореници врз човечка кожа.

На Западот ова наиде на силен одек во книгата “Psychic Discoveries behind the Iron Curtain” од Шила Острандер и Лин Шродер, објавена во 1970 година.

Деновиве беше актуелен случајот со девојчето снимено во една руска шума како лебди. Оваа појава се вика левитација и честопати се асоцира со психокинезата како нејзин подвид. Неретки се тврдењата дека старите народи знаеле за оваа вештина. Дека пркосот на гравитацијата не е само заборавена вештина, сведочат и голем број луѓе со многуте фотографии и видео снимки од оваа интригантна појава. Дали се работи за фотомонтажа, магионичарски трик или вистина, просудете сами.