Сте се запрашале ли некогаш што е всушност парапсихологија и што опфаќа таа?

Зборот парапсихологија потекнува од грчките зборови “пара" и "психологија” што значи “паранормални активности” кои се состојат од екстрасензорна перцепција, ментални супер моќи и психокинеза.

Парапсихолошките истражувања се вршат со разни напредни методи како што е теренска работа и истражувања кои се спроведуваат во строго доверливи услови во  лабаратории низ сите светски универзитети. За разлика од порано, денес постојат голем број на универзитети кои доделуваат спонзорства за парапсихолошки истражувања.

Парапсихолошките списанија често објавуваат резултати од парапсихолошки истражувања, иако понекогаш и во потрадиционалните весници се појавуваат натписи поврзани со оваа проблематика.

Парапсихолозите извршија бројни испитувања со цел да го одредат постоењето на психокинеза, сензорна депривација, како и Ганцфилдови експерименти со цел да се испита и истражи екстрасензорна перцепција.

Неколку основни поими

Парапсихолозите истражуваат многу од осознаените паранормални феномени кои постојат денес; некои од нив се објаснети во продолжение:

1.Телепатија претставува трансфер на информации меѓу луѓето врз основа на разни чувства кои не се пренесуваат преку познатите пет сетила (вид, слух, вкус, мирис, допир).

2. Претчувство е предвидување на одредени идни настани, кои сеуште не се случиле.

3. Јасновидство е метод со кој информациите кои се однесуваат на одредени неоткриени далечни локации се откриваат со методи кои се сеуште мистерија за  современата наука.

4. Психокинеза е способност на личноста со помош на умот да манипулира со предмети, време, простор или енергија. На современата наука сеуште не и е познато како ова се изведува.

5. Реинкарнација претставува повторно раѓање на духот после неговата смрт, во ново тело.

6. Прогонување е феномен кој е поврзуван со духови и блиски средби со нив. Тоа најчесто се случува на местата каде покојникот остварил средби со одредени луѓе, а неретко духот се поврзува и со предметите кои му припаѓале за време на животот.

Доза на скептицизам

Активните парапсихолози проблематиката на своите истражувања ја сметаат за мошне  комплексна.

Сепак, тие потенцираат дека не ги истражуваат сите таканаречени “паранормални феномени” во светот, како што се астрологијата, паганизмот, НЛО, вампирите, алхемијата или вештерството.

Противниците на парапсихологијата ја сметаат за псевдонаука и тврдат дека не постојат докази кои се доволно убедливи за да го докажат нејзиното постоење. Скептиците се цврсто убедени дека човечката желба да се преценуваат парапсихолошките феномени е всушност посилна од доказите за нејзиното непостоење.