Голем број научници веруваат дека во иднина ќе постои телепатија, благодарение на технологијата.

Според предвидувањето на "One World Future Society", бежичната технологија ќе биде составен дел од нашето размислување до 2030 година.

Во наредните години ќе научиме како да ги зголемиме нашите 100 трилионски релативно бавни меѓумозочни врски со високобрзински виртуелни врски преку нанороботиката.

Ова ќе ни овозможи значително да ги зголемите нашите способности за забележување, помнење, и воопшто севкупниот потенцијал на размислување, како и директно да се поврземе со моќни облици на компјутерска интелигенција и едни со други.

Тоа значи дека ќе можеме да се поместиме над денешниот мозочен капацитет. Истражувачите веќе покажаа дека со помош на жичени импланти е можно човек  да помести курсор на компјутерски екран само со помислување на тоа.  

Колку време ќе помине пред овој напредок да стане неинвазивен и безжичен така што интерфејсот ќе овозможи комуникација на две или повеќе човечки суштества?

Наместо "телепатија", научниците ја нарекуваат "техлепатија" (телепатија развиена со помош на технологијата). Првата генерација на вакви уреди ќе биде еднонасочна.

Тоа значи дека мозочниот шаблон на неизговорени зборови ќе се пренесува до другата личност пред да се прими повратен одговор од неа. На сличен начин работи воки-токито.

Подоцна ќе се пренесуваат мисловните шаблони кои им претходат на неизговорените зборови. На крајот, преносот ќе се одвива совршено во две насоки и ќе вклучува и други не-вербални сигнали како свест и емоции.

До тогаш овој вид на комуникација би можел да вклучува едно или повеќе лица, или пак што е можно повеќе, како еден вид на Интернет на поврзани умови.

Некои експерти всушност веруваат дека техно-телепатијата ќе стане единствен или примарен начин на човечка комуникација во идина и дека секој ќе ја искористи за економски или социјални цели штом ќе стане широко достапна.

Исто така, со самото тоа што ќе биде базирана врз основа на технологија, а не врз некој морничав психички феномен, нема да постои проблем со приватноста, бидејќи секој ќе може сам да создаде и активира личен одбранбен ѕид (firewall) за да спречи било каков несакан упад.

Да, одвреме навреме хакерите ќе вршат напади врз умовите а блогерите ќе објавуваат се во јавност, но општо земено, техлепатијата би требало да биде безбедна исто како да имате мобилен во внатрешноста на вашата глава.