Дали е вистинита теоријата според која постои телепатија помеѓу близнаците?

Терминот “телепатија” е изведен од грчкиот збор “tele” што значи “далечен” и “pathe” што значи ”чувство”. Телепатијата е канализирање на мисли и чувства меѓу луѓето со помош на пара-психологија (екстра-сетилни перцепции). Ваквата перцепција е позната и како шесто сетило. Петте сетила за вид, мирис, допир, вкус и слух се основни за сите луѓе, меѓутоа, луѓето кои развиле и шесто сетило се познати и како телепати. Техниките на телепатија се поделени на неколку делови: инстинктивни, ментални и интуитивни. Всушност, повеќето од луѓето имаат телепатски способности, само го програмирале телото да ги игнорира овие сигнали. Иако нема доволни податоци за да се докаже телепатијата, има неколку документирани случаи за овој феномен. Телепатијата кај близнаците исто така е документирана, а и постојат многу приказни кои ја поддржуваат теоријата дека постои телепатија меѓу близнаците. Без разлика колку се сигурни податоците, постојат луѓе кои тврдат дека почувствувале или веруваат во когнитивната способност на мозокот да прима и праќа сигнали.

Истражувања за телепатијата кај близнаците

Многумина се прашуваат како се разликуваат близнаците кога станува збор за меѓусебната комуникација. Истражувачите велат дека близнаците се блиску поврзани преку чувствата и мислите и ги користат нивните екстра-сетилни перцепции за да комуницираат меѓу себе. Факт е дека децата ги развиваат способностите за зборување во неколку фази: прво ги поврзуваат звуците со предметите за да можат подоцна да ги изговорат и соодветните зборови. Некои истражувања покажуваат дека близнаците меѓусебно воспоставуваат комуникација уште од мали нозе. Ваквиот таен јазик е наречен криптофазија, комбинација на терминот “крипто”, што значи тајна, и “фазија” што значи нарушување на говорот. Криптофазијата покажува дека близнаците не само што користат исти изрази туку и меѓусебно ги имитираат движењата. Еве пример за едно набљудување за телепатијата кај близнаците:

• Еден од близнаците почнал да зема часови по гитара, додека истовремено,  другиот тренирал фудбал. После неколку месеци се покажало дека близнакот што тренирал фудбал знае да свири на гитара без да зема часови. Тој свирел на гитарата толку прецизно, што според научниците било доказ за комуникацијата што тие меѓусебно ја воспоставиле за време на часовите.

Генетските истражувања за идентичните близнаци покажуваат дека тие меѓусебно комуницираат на начин кој е сосема различен од оној меѓу браќата и сестрите што не се близнаци. Процентот на телепатската способност кај монозиготните близнаци (еднојајчани близнаци) е многу поголема отколку кај дизиготните близнаци (двојајчани близнаци). Идентичните близнаци се формираат од една јајце-клетка и еден сперматозоид и се смета дека имаат исти мозочни бранови. Научниците сметаат дека токму овој факт ги прави еднојајчаните близнаци толку блиско поврзани. Следниов експеримент го докажува тоа:

• Еден близнак бил поврзан на полигрф додека врз другиот се правел експеримент во друга соба. Се покажа дека кога близнакот во другата соба бил ставен во ладна вода и кога бил исплашен со лажна змија, ефектите се покажале кај близнакот поврзан на полиграф. Полиграфот јасно покажал дека имало зголемена активност кај близнакот иако врз него не се правеле никакви експерименти.

Случаи на телепатија кај близнаците

Постојат многу приказни за телепатијата кај близнаците. Некои од нив се толку неверојатни што дури ги заинтересирале режисерите во Холивуд.

- Еден маж во Тексас доживеал остра болка во срцето додека пазарел, а подоцна открил дека неговиот брат близнак бил застрелан во срцето во Њујорк.

- Една девојка паднала од велосипедот и го повредила глуждот, а во меѓувреме глуждот на нејзината сестра близначка почнал да отекува.

- Плачот на едното бебе го привлекло вниманието на мајката за таа да посвети внимание на другото кое имало висока температура.

Близнаците имаат навистина блиска меѓусебна врска и можат да почувствуваат кога другиот близнак е во невоља. Овој паранормален феномен кај близнаците е интересен и бара дополнителни истражувања за докажување и појаснување на оваа врска.