Колкаво е влијанието на интуицијата врз секојдневниот живот?

Истражувањето од Универзитетот Нортвестерн понуди електропсихолошки доказ дека одлуките што се базираат на претпоставки односно на чувството од внатрешноста или интуицијата, можат да повлечат валидна меморија до која свесно не можеме да пристапиме. Истражувачите сметаат дека луѓето треба да бидат повнимателни кога станува збор за различните видови на знаење.

Кен Палер, професор по психологија, вели: „Можеби знаеме повеќе отколку што мислиме за секојдневните ситуации. Несвесната меморија можеби е во игра кога се препознаваат лицата на сторителите на криминални дела. Или пак, изборот од куп на производи може да е предизвикан од меморијата која е жива во несвесниот предел.“

Учесниците во истражувањето биле поделени на две групи од 24 лица на кои им биле покажани калеидоскопни слики во боја на компјутерски екран. Во 50% од случаите од нив било побарано да посветат внимание и да се обидат да ја запаметат сликата. Втората серија на слики била поврзана со голем број на учесници од кои било побарано да запаметат се’ до следната фаза кога требало да стиснат копче за да покажат дали сликата е чудна или е иста. Секоја нова фаза давала нов број. Истражувачите објаснуваат дека испитаниците можеле да се фокусираат на меморирањето на половина од сликите, и со тоа не биле способни да ги запаметат останатите. Кратко време подоцна, испитаниците повторно гледале парови на слични калеидоскопски слики за новиот тест за препознавање.

Кен Палер вели: „Интересно е тоа што луѓето биле многу попрецизни кога ги бирале старите слики бидејќи им било одвлечено вниманието. Исто така, биле попрецизни кога мислеле дека даваат претпоставки отколку кога наоѓале сличности за сликата. Поделеноста на вниманието за време на тестот за меморија вообичаено ја влошува меморијата...а нашето истражување покажа дека кога луѓето не обрнуваат големо внимание, нивниот систем за вид подобро складира информации. Овие нови податоци покажуваат дека кога луѓето се обидуваат да запаметат, знаат повеќе отколку што мислат. Ние треба да ја развиеме нашата интуитивна природа и креативност. Интуицијата има голема улога во наоѓањето решенија за сите видови на проблеми во секојдневниот живот.“