Ако знаете да практикувате антихипноза ќе можете да се здобиете со поголема контрола врз вашиот живот и ќе можете да се справите со вашите зависности и фобии.

За да ги дознаете придобивките од автохипнозата не мора да знаете како таа функционира, но можете да прочитате неколку битни информации. Само-хипнозата е термин на западот кој се однесува на источното античко практикување на трансценденталната медитација, односно хипнозата метод за достигнување на потсвесноста и моќ да се влијае врз неа и врз некои наши длабоко вкоренети однесувања како што се на пример пушењето и прејадувањето.
Практикувањето само-хипноза не е тешко, но бара постојано вежбање затоа што станува збор за постојан процес. Позитивната страна е дека вежбањето води кон подобро здравје и самодоверба.

Што е мезмеризам?

Зборот “хипноза” е изведен од терминот “невро-хипноза” или “спиење на нервите” и е измислен од шкотскиот хирург Џејмс Брејд околу 1841 година. Брејд цела теорија ја основа врз теоријата на Франц Мезмер (според неговото име се добива и терминот “мезмеризам”), меѓутоа нивните теории се различни кога станува збор за самата процедура.

Мезмер верувал дека постои магнетна сила која преовладувала во универзумот и влијаела врз човечкото здравје. Тој сметал дека ефектот на хипнозата може да се предизвика преку фокусирана визуелна концентрација. Еве зошто се користат рачните часовници.
Сосема спротивно на популарното мислење дека хипнозата наликува на несвесен сон – современите истражувања велат дека постои будна состојба кога вниманието е фокусирано но свесноста е намалена. Овие податоци изгледаа интересни за следбениците на невро-лингвистичкото програмирање.

Улогата на десната страна на мозокот во процесот на хипноза

Кај научниците постои дебата за тоа дали хипнозата навистина функционира. Науката не може да објасни што е хипнозата и како функционира. Со хипнозата се менува состојбата на свесност на таков начин што левата, аналитичка страна на мозокот е исклучена, додека пак десната, не-аналитичка страна станува почувствителна. Се зголемува свесната контрола на мозокот и се буди несвесниот ум. Бидејќи потсвесниот ум се наоѓа подлабоко и е поинстинктивна сила отколку свесниот ум, ова е делот на мозокот каде се менуваат однесувањата на пациентот.

Авто-сугестијата им помага на многу луѓе да направат позитивни промени за себе. Поминаа деновите кога хипнозата се сметала за метод со кој може да се контролира умот; при една сеанса со хипнотерапија, пациентот секогаш има контрола и не постои начин на кој може да е присилен да направи нешто против своја волја.
Генерално е прифатено дека всушност секоја хипноза е само-хипноза. Хипнотизерот само ни помага да стигнеме до таа состојба. Некои велат дека хипнотерапијата не не’ присилува да правиме некои работи туку напротив, ни дава моќ.