Конечно научно алиби за паузи на работното место: американските научници открија дека со кус одмор на работа попродуктивно ги решаваме проблемите.

Експертите сметаат дека моментот при кој работите нешто друго или земате пауза му овозможува на мозокот биде преплавен од несвесни мисли.

Тие открија дека кога ќе заврши одморот, и мозокот повторно се враќа во претходната состојба, свесниот мисловен процес изнаоѓа решение за проблемот кој ве измачува.

До ова откритие се дојде откако научен тим замоли 130 волонтери да учестувуваат во експеримент со асоцијација на зборови.

На половина од групата им беше кажано да го прекинат тестот и да се сконцентрираат на нешто сосема различно за времетраење од пет минути.

Резултатите покажаа дека оние чии што мисли "одлетаа" во друг правец многу побрзо ја решија првата задача кога повторно и се навратија отколку групата која цело време беше сконцентрирана исклучиво на неа.

Истражувањето го предводеше тим од Нортвестерн Универзитетот во Илиноис, САД.

"Свесното размислување е подобро при донесување на линеарни, аналитички решенија, но несвесното размислување е особено ефективно при решавањето на сложени проблеми. Несвесното активирање може да ги обезбеди оние моменти на инспирација кои му претходат на "Аха!" моментот кој пак доведува до важни откритија," изјави проф. Адам Галински, водач на студијата за "Дејли Телеграф."

Студијата беше објавена во списанието "Психолошка Наука."