Планирате да започнете сопствен бизнис? Еве на што треба да внимавате, ако сакате да успеете.

Статистиката покажува дека најмалку една третина од новите мали компании пропаѓаат уште во првите две години од своето постоење, а нешто повеќе од половина во наредните пет години. Но не дозволувајте оваа статистика да влијае на вашите соништа кога еден ден и вие ќе посакате да отворите фирма. Еве неколку  совети кои грешки не би смееле да ги направите.

1. Недоволно пари

Најголемата пречка со која што се среќаваат претпријатијата е недоволниот капитал. Искуството покажало дека оптимално е да се има околу три пати поголем износ од оној за кој што мислите дека ќе ви биде потребен за почеток. Обезбедувањето на пари е неопходно, за да се решат многу нови елементи и непознати проблеми и за да не се откажете од вашиот сон уште на почетокот.

2. Сонувате мали сништа

Дури и ако се натпреварувате околу клиентите со посилни компании од вас, кои што имаат поголеми ресурси, тоа не морате да го покажувате. На клиентите не им е особено пријатно постојано да ги известувате дека сте мала фирма со ограничени ресурси. Размислете како својата големина да ја употребите како предност, посветете им се на клиентите специјализирано и со повеќе ентузијазам, бидете пофлексибилни. Запомнете, вие не сте мали - вие сте персонализирани.

3. Штедење на техника

Секако, купувањето на технички играчки е скап спорт. Но да им се даде на вработените шанса да користат лаптопи, Блек Бери или безжичен пренос и сл. е можност со која што би се постигнало многу повеќе за пократко време. Новата технологија помага и при комуникацијата со клиентите. На граница на иронија е фактот дека токму малите компании можат многу побрзо да ги применат најновите технологии, додека големите системи тешко се решаваат да се откажат од масивните и надминати технологии. Во овој случај да се биде мала фирма е предност.

4. Губење на фокусот

Секој претприемач мора да има визија за тоа каде се гледа себеси во иднина. Колку повеќе е фокусирана визијата , толку е поголема шансата фирмата да ја оствари својата цел. Визијата мора да биде трансформирана во специфични задачи со цел да се постигне саканиот резултат.

5. Потценување на значењето на продажбата

За почетниците во малите фирми е пресудно да се концентрираат на продажбата и приходите. Доколку продажбата расте, сметките ќе се плаќаат сами. Без оглед на тоа колку компанијата е мала, на истата и е потребен менаџер за продажба кој постојано би обезбедувал нови и нови работи. Мошне важно е тој да биде свесен дека секоја, и најгенијална идеја на крајот мора да се оствари - и да се продаде.