Привлечните жени можат да бидат дискриминирани кога аплицираат за работотно место кое според традицијата се смета за “машко”  – покажува едно истражување од Факултетот за бизнис на Универзитетот во Колорадо.

За вакви професии се сметаат: менаџер за истражување и развој, финансиски директор, машински инжинер и градежен надгледувач. Од друга страна, привлечните мажи не се соочија со дискриминација при нивното аплицирање за вакви работни места.

Стефани Џонсон, авторката на истражувањето, вели:

„За ваквите професии, атрактивноста кај жените беше целосно занемарена. За сите останати професии, атрактивноста на жените беше на прво место.“

„Случајот со мажите беше сосема различен со што се покажа дека сеуште постои двоен стандард кога е во прашање полот.“

Истражувачите разгледуваа и други студии со што заклучија дека физички привлечните личности имаат различни придобивки, како на пример:

- добиваат повисоки плати

- добиваат подобри оцени при евалуација на нивната работа

- полесно се запишуваат на факултет

- добиваат добри оцени од гласачите кога се кандидираат за јавни функции

- полесно добиваат случаи на суд

Според една студија, изгледот се покажа како најбитен при аплицирање за работно место, особено за жените. Изгледот беше на трето место на листата на “карактерни особини” и беше над образованието и смислата за хумор.

Истражувачите посочија две студии според кои привлечноста ги прави апликантите посоодветни за едно работно место, без разлика за кој пол станува збор. Како и да е, жените кои аплицирале за работни места кои се типични само за жени многу полесно го добивале местото во споредба со оние работни места каде што професијата не била типична за жени.

При еден експеримент, доброволците биле замолени да одберат 55 фотографии од мажи и исто толку од жени кои би биле соодветни за разни работни места. Се покажа дека изгледот не е битен за професии како што се директор за безбедност, продавач на техничка роба,чувар во затвор и шофер во влечна служба. Атрактивните жени не беа бирани за вакви професии, меѓутоа се поврзуваа со работни места на рецепционерки и секретарки.

Истражувачите предупредуваат дека постојат одредени стереотипи за физичкиот изгглед и влијанието на излгедот при вработувањето и разгледувањето на целокупниот карактер на апликантите.

Стефани Џонсон додава:

„Можеме да се согласеме дека физичкиот изглед можеби има улога при изборот на работниците. На работните места каде што има директен контакт меѓу луѓето, како на пример продажба, поатрактивните апликанти би се покажале подобро во работата отколку помалку атрактивните.“

Меѓутоа, мора да се напомне дека физичката привлечност мора да се мери еднакво и за мажите и за жените со што ќе се избегне дискриминацијата против жените.