Финансискиот стрес може да има долготрајни последици врз семејството и може да предизвика недоразбирање меѓу различните генерации со помош на вербална агресија, покажува едно истражување кое се базира на анкети кои се правеле во текот на 20 години во руралните семејства во текот на 80тите години од минатиот век.

Повеќето од овие рурални семејства или ги изгубиле нивните фарми или пак западнале во финансиска криза поради големиот пад на вредноста на земјата. Во тоа време се спровеле многу истражувања за да се анализираат реакциите на семејствата поврзани со стресот предизвикан од кризата.
Еден од ваквите истражувачи беше и Фред Лоренц, професор по психологија и статистика на државниот универзитет во Ајова.
„Тоа што не’ интересира е што се случувало во семејството и како се однесувале луѓето за време на кризата,“ – вели тој.

Секако, постојат последици кои можат да се почувствуваат години подоцна, вели тој. Едно истражување откри дека вербалната агресија што родителите ја наметнале врзсебеси и другите се пренесувала и врз децата, а тоа ќе се одрази и во самото однесување на децата во понатамошниот живот кон својот партнер.
„Кога ќе пораснат, децата се однесуваат кон својот партнер исто како нивните родители,“ – вели Лоренц.

Целокупното истражување започнало во 1989 година и вклучувало деца од седмо одделение и нивни родители. Две години подоцна, истражувачите дополнително вклучиле и самохрани родители. Лоренц вели дека во овој момент, децата се на возраст колку што биле нивните родители кога започнало истражувањето.
Следниот чекор е да анализираат како родителите ќе се однесуваат на возраст од 60 години.
„Се надеваме дека ќе го откриеме влијанието на кризата 20 години подоцна според тоа како ќе се однесуваат после нивното пензионирање,“ – вели Лоренц.