Отплаќањето на долговите, како и штедењето е полесно кога човечкиот карактер има влијание! Познавањето на карактерите кога се парите во прашање, може да го зголеми богатството, а да го намали задолжувањето.

Прв чекор кон создавање богатство (вклучувајќи отплаќање на постоечкиот долг како и мудро инвестирање) е спознавање на четирите основни карактери на луѓето во однос на парите. Колку повеќе луѓето се запознаени со својот финансиски систем на вредности, толку им е полесно да се збогатат.

Еве краток опис на некои карактери во однос на парите: штедливи луѓе, луѓе што постигнуваат , претприемачи и тргачи по возбуда, како и неколку совети за финансиски напредок за сите видови на карактери.

Штедливци

Луѓето со ваков карактер не сакаат да ризикуваат да ги вложат своите пари некаде или да купуваат и имаат мала желба да создадат богатство.

„Во принцип, штедливите луѓе се внимателни и конзервативни кога парите се во прашање", пишува Лиз Кох во Вашиот каратер во однос на парите: Отклучете ја тајната за богат и среќен живот. „Тие живеат со строго определен буџет и трошат контролирано." Штедливите луѓе претпочитаат нивните пари да бидат на сигурно, како на пример на банкарска сметка.

Ако напредуваат, тоа е поради голема плата или поради значајни заштеди. За да направат богатство со овој карактер, тие мораат да ја напуштат удобната зона, да побараат експертска финансиска помош и да научат колку што е можно повеќе за вложувањето и инвестициите.

Луѓе што постигнуваат и трупаат богатство

Човекот што постигнува е релативно конзервативен, но има силна желна да успее во животот и да создаде богатство. Ваквите луѓе се аналитични и претпазливи во нивниот пристап со парите. „Постигнувачите" се обично добро образовани и начитани луѓе. Често имаат добро платени професии и имаат амбициозни планови за градење кариера. „Постигнувачите" се склони кон трошење пари на скапи предмети - куќи во елитни предградија, скапи автомобили, приватни училишта и брендирана облека.

За финансиски напредок, тие би можеле да се фокусираат на трошење помалку на скапи работи кои креираат слика на големо богатство. Наместо тоа би било паметно да пронајдат начини да изгледаат и да се чувствуваат богато без притоа да трошат многу пари или да се задолжувааат. Тие прават финансиски план на буџетот и се држат до него затоа што тој е фокусиран на остварливи финансиски резултати.

Претприемачи и создавање богатство

„Претприемачи се вистински креатори на богатство, луѓе подготвени да преземат висок почетен ризик" пишува Кох во Вашиот банкарски карактер. „Претприемачите можат да успеат и со малку средства или со мал приход." Исто така тие се и посклони да станат лоши располагачи со парите или да се задолжат премногу. Претприемачите имаат склоност да одат во крајности: тие еден ден се милионери, другиот ден се питачи.

Да се создаде богатство со ваквиот карактер, претприемачите треба да ги распределат нивните финансиски средства и да го одвојат својот личен и семеен имот од професионалниот. Ако прават високо ризични вложувања, мора да имаат план за да знаат кога да отстапат и да ги минимизираат загубите.

Финансиски трагачи на возбуда

Трагачите по возбуда не се грижат многу за акумулирање на богатство, а повеќе уживаат во преземање на финансиски ризици. Тие ги коцкаат парите и имаат „како дошло- така пошло" став. „Често, овие луѓе имаат високи приходи кои ги користат за краткорочни уживања", пишува Кох. „Кредитните картички ги користат максимално. Со хипотеки плаќаат за прекуокеански одмори."

За да успеат финансиски, трагачите по возбуда треба да престанат само да трошат и да почнат да штедат. Треба да вложуваат во долгорочни инвестиции или на штедни сметки од кои не би можеле да влечат пари и да ги трошат на работи кои нудат моментално (но привремено) задоволство.

Веројатно е сите четири видови на каратери се успешни! Но, прво, луѓето треба да го откријат профилот кој најмногу им одговара ним, а потоа треба да ги приспособат своите финансиски планови и цели според тоа.