Што ако треба да гледаме на одморот како нешто што ни е потребно, а не како луксуз?

Според едно истражување од 2011 година, направено од Харис интерактив, со поддршка на Еверест Колеџот, 77% проценти од Американците се под стрес најмалку за една работа која што е поврзана со нивното работно место. Во истражувањето беа вклучени 1 000 луѓе и се покажа дека најмногу стрес предизвикува ниската плата, превозот, прекумерната работа и стравот од отпуштање. Тука исто беа спомнати и досадните колеги, директорите, лошата рамнотежа помеѓу работата и социјалниот живот и неможноста за напредок.

Меѓутоа, и покрај стресот, само 57% од американците го искористиле нивниот одмор, што е еден од најниските проценти во светот, така покажува анкетата од 2010 година. Наместо да го искористат заслужениот платен одмор за да се одморат, луѓето продолжуваат со истата навика. Ова можеби се случува поради тешката работна околина, вели доктор Томас Торшеим, лиценциран психолог. „Последниве неколку години, работниците се мотивираат прекумерно да работат за да си ја докажат сопствената вредност и да покажат дека се непотрошливи, верувајќи дека така ќе си ја зачуваат безбедноста на работното место," – вели тој.

Според Торшеим, другите причини за тоа зошто вработените ги избегнуваат одморите е самата култура на воркохолизам во многу компании каде луѓето се натпреваруваат кој повеќе работи; верувањето дека еден лојален работник не зема слободни денови; верувањето дека одморите се премногу скапи; па дури и самото чувство за одговорност – мислењето дека една компанија не може да функционира без нечие присуство.

Постојаниот повик на технологијата исто така влијае врз работната култура, вели Џим Бантинг, автор на Купете си куче: Не работете како куче – размислувајте поинаку за вашата работа и вашиот живот. Од луѓето се бара постојано да одговараат на телефон и веднаш да праќаат пораки. Како резултат на тоа, луѓето потешко се решаваат да заминат на одмор.

„Сега сме постојано достапни, во секој час од денот и ноќта," – вели тој. „Се јавува зголемено очекување од нас да одговараме без задоцнување. Притоа, многумина се чувствуваат притиснати и неспособни да се откажат од работата."

Сепак, времето за одмор е скапоцено. Многу истражувања ја поддржуваат идејата дека грижата за себе ја зголемува продуктивноста.

„Постојаното работење може да доведе до неспособност за јасно гледање на работите и донесување лоши одлуки. Одморот освежува."

Иако одморот може да значи големо патување со авион и престој во хотел, Торшеим смета дека истот може да се постигне и во домот – само да е вистински одмор. Тој советува да се практикуваат кратки одмори кои се поевтини и одземаат помалку време.

„Одморите не' одмараат и не освежуваат," – вели Торшеим. „Одмор може да е само еден слободен ден за да одмарате во домот, да одите на прошетка, да засадите цвеќе или да прочитате книга."

„Секој различно се одмара," – вели тој. „Гледајте на одморот како совршен момент да научите нешто ново, како на пример готвење, едрење или јога."

Ако немате слободни денови, фокусирајте се на вечери или викенди. Торшеим предупредува дека овие неделни "одмори" можат лесно да бидат искористени за работа. Само запомнете, слободното време е добро и за вработените и за вработувачите.

„Одморот од работата може да ви го промени животот," – вели Бантинг.