Имате само една шанса да оставите добар прв впечаток – и тогаш вашата фризура е многу битна...

Еве ги сигналите што вашата фризура ги праќа за вас.

Ја проверивте облеката дали е чиста. Чевлите ви сјаат. А што е со вашата рокеза?

Ајде малку смирете се. Ова е интервју за работа, и треба да го покажете вашето искуство, а не вашите пердуви.

„Истражувањата покажуваат дека првиот впечаток го формираме во првите 15 секудни од средбата," – вели Џон Џ. Мекки, основач на веб-страната Водич за успех во бизнисот, и автор на Мудрост во кариерата: 101 докажана стратегија за успех во кариерата. „Во првите критични моменти,"- вели тој, „вам ви судат според тоа како изгледате, а не што зборувате."

И вашиот изглед не ја вклучува само облеката и хигиената, туку и вашиот стил. Мекки вели дека има врска со фактот дека жените се побројни како работна сила и „жените се многу повеќе свесни и загрижени за изгледот, особено кога во прашање е косата." Меѓутоа, експертите се сложуваат дека можат да откријат навистина многу за луѓето од нивната фризура, дури и до таму да знаат како би функционирале како вработени.

„Реалноста е дека начинот на кој се претставувате, почнувајќи од говорот на телото и облеката, па се' до фризурата – фризурата го одредува начинот на кој луѓето ќе се однесуваат со вас, особено на работното место." – вели Бернардо Кардучи, професор по психологија на Универзитетот во Индијана. „Станува збор за брз заклучок кој е наречен "когнитивна ефикасност" која потекнува од дамнешни времиња и се базира на сметањето на минатите искуства за да се предвидат идните. Во суштина, фризурата прави разлика во тоа дали ќе ве примат на работа или не."

Па, како ќе знаете дали ја имате вистинската фризура? Еве, прочитајте.

Косата стои настрана

Популарна во: финансии, политика, осигурување.

Што кажува за вас: Кажува дека сте сериозни и насочени кон бизнисот. Вие сте вреден работник кој сака да напредува.

Зошто: Затоа што изгледа конзервативно и едноставно, но сепак покажува дека сте се потрудиле да ја направите. Исто така, ви дава класичен изглед кој секогаш е во мода. „Кај луѓето кои се занимаваат со директен контакт со клиенти, најверојатно ќе добиете унапредување ако изгледате баш вака." – вели Мекки.

„Секогаш угледувајте се на луѓето кои се на повисока позиција од вас," – заклучува Мекки.

Војничка фризура

Популарна во: медицината, спортот, армијата.

Што кажува за вас: вие сте самоуверени и силни. Внимавате на изгледот, но премногу сте зафатени за да потрошите многу време на средување.

Зошто: Постои причина зошто оваа фризура е најбарана во војската. Не само што е лесна за одржување, ви остава доволно време за поважни работи (или битки).

Faux Hawk

Популарна во: Модата, фотографирањето, меѓу хипстерите.

Што кажува за вас: вие сте креативни и екстровертни. Сакате да се одделувате од другите.

Зошто: затоа што е изглед кој ве прави самоуверени. Исто така, се оттргнувате од комерцијалните фризури, и затоа, ако работите во средина кадешто секој друг има иста фризура, ќе привлечете повеќе внимание. Но, ако работата од вас бара да бидете креативни и да нема потреба да носите костим, носете си ја фризурата сосема гордо. „Ако вашата фризура соодведстува со вашето работно место, оставате впечаток дека знаете да се справувате со технички проблеми." – вели Мекки.

Фризура на делови

Популарна во: Холивуд, во медиумите, односи со јавноста.

Што кажува за вас: вие сте во тренд и обрнувате внимание на детали.

Зошто: тоа е изглед кој бара доволно време да се направи и да се одржи, па кажува дека одделувате време и напор за да го одржувате изгледот. „Луѓето кои се многу моќни сакаат да видат дека нивните потенцијални вработени обрнуваат внимание на нивниот изглед и ги пратат последните трендови." – вели Мекки.

Цезар стил

Популарна во: правото, театар и гладијаторски ринг.

Што кажува за вас: вие сте интуитивни и љубопитни. Внимавате на изгледот и сакате да изгледате совршено.

Зошто: Затоа што вие имате побитни работи во план отколку да поминувате часови на вашата фризура, но сепак, сакате да изгледате убаво. Овој изглед е популарен кај сите генерации, но особено е добра за луѓе кои се на почеток на работна кариера. „Помладите сакаат да си мислат дека луѓето ќе ги вработат поради нивните способности, а не според изгледот." – вели Мекки. „За жал, работите не стојат така. Сепак, треба да се откажете од вашиот идентитет и да станете дел од тимот кој ќе напредува."