Истражувачите од САД и Канада открија дека менаџерите треба да ги држат вработените поврзани и зафатени за да го ублажат ривалството и саботажата...

Нивното откривање покажува дека завидливите вработени повеќе ги потценуваат нивните колеги ако се чувствуваат одделени од останатите.

„Многу често слушаме дека луѓето им завидуваат на колегите се обидуваат да ги понижат преку ширење на гласини, криење на битни информации или тајно саботирање на нивната работа." – вели Карл Аквино. Аквино го спроведе истражувањето со своите колеги од Универзитетот во Минесота, Универзитетот Клемсон во Јужна Каролина и Државниот Универзитет во Џорџија.

Сепак, Аквино вели дека зависта е единственото гориво кое ја пали саботажата.

„Со тоа што се сметаат за исклучени од тимот, завидливите вработени се оправдуваат за штетата што им ја нанесуваат на колегите."

Истражувачите објаснуваат дека изолирањето на колегите најчесто се случува кога завидливите колеги се чувствуваат одделени од другите.

Истражувачите направија две истражувања. Во првото беа вклучени 160 вработени од болницата Мидвест Американ. Во оваа група, истражувачите сакаа да тестираат дали недостигот на идентитет на едно лице ја зголемува веројатноста за појавата на завидливост.

Од вработените било побарано да пополнат две анкети на разлика од осум месеци. Во текот на првата анкета, испитаниците требаше да ги оценат нивните реакции (позитивни и негативни) во серија на изјави поврзани со завидливоста и афинитетот кон колегите.

После осум месеци, ипитаниците пополнија нова анкета, но овој пат беше за постапките на понижување на другите.

Кога се направи споредба на резултатите од анкетите, се покажа дека луѓето кои чувствувале зависност, се труделе да ја саботираат работата на нивните колеги кога се чувствувале изолирани.

Исто така, завидливите испитаници пријавија ниска саботажа кога се почувствувале поврзани со нивните колеги.

„Во работниот свет, луѓето треба да воспоставуваат сигурни врски за да напредуваат. Ако залутаат од овој пат, го ставаат успехот под прашање, и најчесто страдаат од завист и тоа тивко." – вели авторот на истражувањето, Мишел Дафи од Универзитетот од Минесота.

„Сепак, од нашето истражување се покажа дека кога некој се чувсвува како волк самотник, лесно знаат да "забегаат" од вистинскиот пат."

Во второто истражување, истражувачите проценуваа како работната средина може да влијае врз вработените при понижувањето.

Во овој експеримент, истражувачите анализираа 247 студенти по бизнис.

Студентите, по случаен избор биле поделени во неколку работни групи и од нив беше побарано да пополнат серија на прашалници во текот на еден семестар. Од студентите било побарано да го оценат нивото на зависност, врската со членовите од тимот и примерите на саботажа направени од нив или од страна на другите.

Резултите покажаа дека студентите кои признаа дека имале чувства на зависност и ниско ниво на идентитет помеѓу тимот повеќе правеле инциденти како саботажа додека биле дел од тимот што покажува на високите нивоа на саботажа во целина.

Истражувачите потенцираат дека овој резултат е знак дека ако работното место дозволува саботажа, оние кои се склони кон такво однесување лесно ќе влезат во форма.

„Нашето истражување покажува дека зависноста сама по себе не е негативна работа."

„Сепак, менаџерите мораат да работат на стратегии за подобрување на тимската работа за да се осигураат дека вработените се зафатени и се дел од тимската динамика," – вели Дафи. „Исто така, важно е дека оние кои се главни не дозволуваат ваквите инциденти да поминат без казна, затоа што е тенденција која брзо се шири."