Едно ново истражување покажува дека главата на вашиот шеф може да ви покаже дали тој е успешен или не...

Едно ново истражување направено со соработка смета дека формата на главата на директорот може да покаже дали фирмате ќе биде успешна во иднина. Формата исто така покажува дали директорот ќе го почитува моралот или не.
Истражувањето се служи со математичка алатка – размерот помеѓу ширината и висината на главата.
Авторите Илејн Вонг и Михаел Хаселхун од Универзитетот од Висконсин, Милвоки, како и Маргарет Ормистон од Лондонската школа за бизнис, го објаснуваат значењето на нивната работа. Тие велат дека претходните истражувања не успеале „емпириски да ги откријат физичките особини кои се предиспозиции за успешно лидерство“ или да ја објаснат „способноста на лидерите да ги остварат организациските цели“.

Според нив, ова откритие е огромен успех: „Ние ја идентификуваме кокретната физичка особина и структурата на лицето на лидерите кои се во корелација со нивната организациска способност. Конкретно, лидерите со широки лица  остваруваат поголема финансиска способност.“
Нивното објаснување не е секогаш толку едноставно и не е стопостотна гаранција, велат истражувачите: „Врската меѓу структурата на лицето на шефот и неговата финансиска способност зависат и од динамиката на донесување одлуки во водечкиот тим.“

Вонг, Хаселхун и Ормистон ги анализираа лицата на лидерите на Џенерал Електрик, Хјуит Пакард, Најк и уште 52 други организации во периодот од 1966 до 2002 година. Сите овие се големи компании со годишен приход од 38 милјарди долари и околу 120 000 вработени.
Тие користеа слики од интернет кои им служеа како груби податоци за да го одредат размерот помеѓу ширината и должината на нивните лица.
Тие исто така направија анализа и врз лицата на студентите кои покажаа дека „оние кои имале пошироки лица полесно ја добиваат битката на преговори и почесто користат измами за да добијат повеќе пари.“
Истражувачите велат дека оваа проценка е точна кај мажите повеќе отколку кај жените.