Вистина е дека наоѓањето работа е сè потешко денешно време, но и работењето на нешто, не само што не те исполнува, туку и те депримира, не е здраво...

Последното истражување направено врз 1.200 работници, покажало дека една четвртина од вработените во светот се депресивни. Дијагнозата е заснована на пет симптоми на депресија кои тие ја покажале.
Само 12 отсто од вработените се чувствуваат оптимистично, а експертите тврдат дека виновник за тоа е притисокот кој го наметнува нестабилната економска ситуација. Секојдневното соочување со неуспех, сè поголемите барања и препреки на работното место, само дополнително придонесуваат за ваквото чувство. Еве кои сè фактори влијаат врз тоа:

Недостаток на визија на надредените

Имањето одредена насока и „поволен ветер“ делува инспиративно на вработените и им овозможува да се поистоветат со компанијата, сфаќајќи ги успесите на фирмата како свои и нејзините неуспеси како тло за подобрување.
Ако надредените не ја комуницираат визијата со вработените или едноставно, немаат визија, тогаш и на вработените ќе им недостасува мотив за да можат да се замислат на таа работна позиција во иднина. А немањето мотив води до депресија и губење на желбата за вложување труд. Загрижувачки е фактот што само 14 проценти од работниците ги сметаат своите шефови за инспиративни.

Врзување на емоциите со резултатите

Вработените често своите резултати ги поистоветуваат со сопствени успеси или неуспеси. Денешно време, стандардите се повисоки, што значи дека работниците чувствуваат дека не ги исполнуваат своите задачи. Научниците тврдат дека е потребно тие појасно да се фокусираат на она што ги мотивира.

Стравот како мотиватор

Во овие тешки економски времиња, кога сè потешко е да се најде работа, а ништо полесно не е ни задржувањето на истата, луѓето се заплашени од сопствените неуспеси, а со тоа само дополнително ги намалуваат шансите за напредување.

Мажите се сомневаат во вредноста на компанијата

Испитаниците од машки пол во истражувањето се изјасниле дека не се убедени дека нивната компанија настојува да го задржи квалитетот, ниту дека очекуваат да напредува во иднина. Според тоа, ги сметаат нивните напори за залудни, а просперитетот непостоечки.

Жените се сомневаат во себеси

Женските испитанички покажале многу полоши резултати кога е во прашање самодовербата и справувањето со стресни ситуации. Ним им е потребно да бидат ангажирани, мотивирани и пофалувани почесто, за да не се сомневаат во себеси, своите способности и можности за успех.

Работа што не задоволува

Испитувањето докажало дека вработените преферираат работа која ќе ги исполнува, инспиративни и интересни работни задачи, а истовремено поголемите шанси за унапредување ги ставаат пред повисоките плати.
Според ова, не секогаш парите се мотиватор на вработените, туку некогаш работната атмосфера и добрите односи меѓу колегите и со надредените се поважни за побрзо напредување, подобри резултати и подобро ментално здравје.