Според најново истражување, религијата се развила заради својата способност да им помогне на луѓето да стекнат самоконтрола.

Самоконтролата е клучна за успех во животот. Нова студија спроведена од проф. Мајкл Мек Кулог, професор по психологија на Универзитетот во Мајами, САД, открива дека религијата се развила заради својата способност да им помогне на луѓето да стекнат самоконтрола. Овие наоди имплицираат дека религиозните луѓе можат да бидат подобри во постигнувањето на подолгорочни цели кои се важни за нив и нивните религиозни групи. Ова од своја страна би  можело да објасни зошто кај религиозните луѓе се пониски стапките на злоупотреба на разни супстанци, деликвенција, депресија и зошто имаат подобар успех на училиште, подобро здравје и подолг животен век.

Во ова истражување, МекКулог го проценуваше осум-децениското истражување на религијата, спроведено над различни луѓе од целиот свет. Тој откри убедливи докази од различни домени во рамки на општествените науки, вклучувајќи ги тука неврологијата, економијата, психологијата, и социологијата, со кои се потврди дека религиозните убедувања и однесувања можат да ги поттикнат луѓето да вежбаат самоконтрола и поефективно да ги регулираат своето однесување и емоции, за да можат да ги остварат посакуваните цели. Истражувањето беше објавено во списанието "Psychological Bulletin."

"Важноста на самоконтролата и саморегулирањето за разбирање на човечкото однесување им се добро познати на општествените научници, но можноста дека поврзаноста на религиозноста со самоконтролата може да ја објасни поврзаноста на религизоноста со здравјето не привлече многу внимание," изјави МекКулог. "Се надеваме дека нашето истражување ќе помогне да се поправи овој превид во научната литература." Некои од најинтересните заклучоци до кои дојде научниот тим се следните:

• Религиозните ритуали како молењето и медитацијата влијаат врз деловите на мозокот кои се најбитни за саморегулација и самоконтрола.

• Кога луѓето ги доживуваат своите цели како "свети", во нив вложуваат многу повеќе енергија и труд и според тоа поуспешно ги достигнуваат.

• Религиозниот начин на живот може да придонесе за самоконтролата така што на луѓето им пружа јасни стандарди за нивното однесување, ги тера да ги преиспитаат своите постапки, и прави да се чувствуваат како да Господ го следи нивното однесување.

• Фактот дека религиозните луѓе тежнеат да имаат поголема самоконтрола помага да се објасни зошто веројатноста за користење на дроги, алкохол, злосторствата и деликвенцијата се во помала мерка изразени кај нив.

Истражувањето на МекКулог на религијата и самоконтролата допринесува за подобро разбирање на тоа како "истата социјална сила која ги мотивира несебичнте и широкогради дела може да ги мотивира луѓето да заврзат појас со бомби околку половината и да се разнесат во преполн автобус," објаснува тој. "На тој начин што ќе размислувате за религијата како социјална сила која на луѓето им пружа средства за регулирање на нивните импулси (вклучувајќи го тука и импулсот за само-зачувување, во некои случаи) во служба на повисоки цели, религијата може да ги мотивира луѓето да направат било што."