Како влијае месечината врз Земјата и луѓето? Не полудува...или сепак не?

Легендата дека месечината ги полудува луѓето е популарна со векови. Меѓу народот, месечината се поврзува со со пораст на самоубиства и епилептилни напади, меѓутоа, скоро и да не постојат некакви цврсти докази што ги докажуваат овие идеи.

Сепак, месечината е моќна, нејзината сила ги движи океаните и се смета дека има големо влијание врз однесувањето на животните како и врз почетокот на најчудниот секс на светот – размножувањето на коралите.

Еве што треба да знаеме за ефектот на месечината и врз нас и врз планетата:

Човековата природа

Зголемени напади Откако ги ислушал пациентите кои тврделе дека нивните напади биле почести и полоши на полна месечина, доктор Селим Бенбадисов од Универзитетот во Јужна Флорида реши да го истражи овој феномен. При деталното испитување на статистичките анализи од 770 напади во текот на три години, тој открил дека најголем број од епилептичните удари (152) се случиле за време на последната четвртина на месечината, а 94 се случиле на полна месечина.

Општо лудило: истражувачите Џејмс Ротон и Иван Кели анализираа 37 студии за врската меѓу месечевите фази и неколкуте видови на лудило, примањето нови пациенти во институциите за ментално здравје, нарушување на мирот во болниците, итни повици, убиства и други криминални дела. Овие мета-анализи дале многу малку статистички значајни врски меѓу месечината и однесувањето на луѓето.

Ротон и Кели тврдат дека студиите што покажале дека постои врска се непрецизни или поради тоа што многу важни фактори не биле земени во предвид или ваквите настани се чиста случајност и не можат да го потврдат ефектот на месечината.

Недостаток на сон: Пред да се измисли модерното осветлување, месечината играла голема улога во процесот на спиење кај луѓето, бидејќи во тоа време тие ја користеле месечевата светлина навечер, и затоа спиеле помалку.

Девијантно однесување: Едно истражување од 2010 година кое вклучило полициски, астрономски и метеоролошки податоци од Сан Антонио во Тексас, покажа дека не постои  никаква врска меѓу месечевите смени и бројот на криминални дела.

Повреди кај животните: Едно истражување од 2007 година кое испитувало 12 000 случаи на повредени животни во ветеринарниот центар на Универзитетот во Колорадо покажа дека итните случаи за повреди биле зголемени за 23% кај мачките и 28% кај кучињата во текот на деновите на полна месечина. Иако истражувањето не ја откри причината за оваа појава, истражувачите сметаат дека повеќе луѓе се излезени надвор па и заедно и со нивните миленичиња затоа што ноќта е посветла кога месечината е полна, а со тоа се зголемува веројатноста за повреда на животните.

Резултати од операции: Едно истражување од 2007 година покажа дека месечевите фази немаат никакво влијание врз резултатите од операциите на срце. Податоците се потпираат врз анализата на 18 000 пациенти на кои им биле направени операции врз срцето.

Во дивината

Во природата, се’ е нормално. Рутинските активности на животните се случуваат во текот на денот, а брановите на океаните примаат влијание од месечината.

Месечината и сонцето се комбинираат за да предизвикаат плима кај океаните (гравитационен ефект што е толку силен што кората на планетата се проширува поради ваквиот ефект на плимата). Меѓутоа, плимата се случува поради разликата на гравитационата сила која се чувствува на страната на земјата која е најблиску до месечината.

Иако нашите тела содржат 60% вода, разликата меѓу силата на месечината врз нас е премногу мала за да покаже било каков ефект.

Кога станува збор за животните, може да се рече дека ефектот е поголем.

На пример, неколку вечери во годината, после полната месечина, стотици видови на корали синхронизирано се размножуваат и испуштаат јајца и сперматозоиди во водата. Истражувањата покажуваат дека коралите имаат гени кои се чувствителни на ваква месечева светлина. И се смета дека овој фен е најактивен за време на полна месечина.

Исто така, суштествата наречени бивоидни мајмуни, се сексуално многу поактивни за време на полна месечина.

Меѓутоа, кога месечината беше уште нова (и не толку видлива од планетата), мајмуните се сокривале и го чекале утрото пред да почнат повторно да се движат. За време на месечевите еклипси, исто така се повлекувале.

Постојат и докази дека пленовите не се движат за време на полна месечина, затоа што дополнителната месечева светлина прави предаторите полесно да ги забележат.