Раскинувањето на врската може да предизвика многу стрес и несреќа. Довербата пак, произлегува од кажувањето на вистината. Епа тогаш, која е причината за пропаѓањето на врските?

Секоја врска се базира на доверба. А довербата произлегува од кажувањето на вистината. Зошто тогаш пропаѓаат врските? Еве 5 причини:

1. Кажување пола вистина. Ако им кажете на партнерот само тоа што сакате да знаат или пак тоа што сакаат да го слушнат не е вистинско решение. Џек Николсон во филмот Something's Gotta Give и' рече на Дајан Китон: „Секогаш сум ти кажувал една верзија на вистината." 15 минути подоцна тој доживеа срцев удар. Кажувањето само на пола вистина или некоја верзија на вистината може да ја разниша довербата.

2. Однос родител-дете. Вие се однесувате како родител, а вашиот партнер се однесува како дете. Или пак обратно. Нерамнотежата во моќта значи дека некој ги донесува одлуките, дава или зема повеќе и всушност ја движи врската. Но оваа ситуација понатаму може да се влоши со тоа што едниот партнер може да почне да го малтретира другиот.

3. Град што задушува. Ако немате контакт со надворешниот свет, сами ќе ја задушите врската. Ако вашиот партнер инсистира да немате пријатели или пак да ги пријавувате сите детали од разговорите со вашите пријатели, партнерот покажува знаци дека сака да ве контролира. Тоа не е воопшто добро.

4. Љубомора. Љубомората е една од основните причини за раскинување на врските. Најчесто се појавува кога во врската постои чувство на отсуство или пак ривалство. Коренот на овој проблем се појавува кога се чувствувате помалку вредни од вашиот партнер и постојано барате да ви ја покажува љубовта што ја чувствува за вас. Ова може да се претвори во тешка задача која не може секој да ја издржи.

5. Јас, јас и само јас. Ако постојано мислите само на себе, почнувате да ја игнорирате потребата од други луѓе. Станувате егоцентрични и неподносливи. Луѓето што стануваат егоцентрични постојано си се восхитуваат на самите себе, но не обрнуваат внимание на другите. Тука треба да сфатат дали имаат доволно љубов за двајца. Најчесто сфаќаат дека немаат.

Пропаднатите врски се една од основните причини за стрес и несреќа. Да работите на тоа како да ја подобрите вашата врска со партнерот, семејството или децата е многу тешка вештина. Ако не успеете, постојано ќе жалите по нешто што можело да биде, а не е.