Која е врската помеѓу брзината, моќта и црвената боја? Помош: не е спортски автомобил.

Тоа се вашите мускули.

Едно ново истражување покажува дека кога луѓето гледаат црвена боја, реагираат побрзо и посилно, а не се свесни за интензивниот ефект на бојата.

Овие податоци се битни за спортот и други активности каде е потребна брзина и сила, како што е на пример дигањето тегови. Меѓутоа, авторите предупредуваат дека енергијата што бојата ја ослободува е краткотрајна.

„Црвената боја ги подобрува нашите физички реакции затоа што се перцепира како опасност," – вели коавторот Ендру Елиот, професор по психологија на Универзитетот во Рочестер и главен истражувач на полето а психологијата на бои. „Луѓето поцрвенуваат кога се бесни и се спремаат за напад," – објаснува тој. „Исто така, полесно ја забележуваат црвената боја и кај другите луѓе и точно знаат како да реагираат."

Меѓутоа, опасноста е меч со две острици, вели Елиот и коавторот Хенк Артс, професор по психологија на Универзитетот во Утрехт, Холандија. „Освен што генерира дополнителна енергија, опасноста предизвикува грижа, оттргнување од задачите и преокупираност, и сите овие работи имаат влијание врз менталното здравје." Во претходните истражувања за боите се покажало дека изложеноста на црвена боја е контрапродуктивна за моторните и менталните задачи: атлетичарите кои се натпреваруваат против некого кој носи црвена боја многу често губат и студентите кои гледаат во црвено лошо се покажуваат на испитите.

„Бојата влијае врз нас на многу начини во зависност од контекстот," – вели Елиот, чие истражување документирало дека мажите и жените несвесно се привлечени од црвена боја кога луѓето од спротивен пол ја носа на себе. „Ние не сме свесни за влијанието на оваа боја." – вели тој.

При истражувањето се мереле реакциите на студентите во два експерименти. Во првиот експеримент, студентите држеле отворена метална алка. Пред да го направат тоа, тие ги читале броевите на учесниците напишани или со црвена или со сива боја. Во вториот, 46 студенти ја стегале сопствената тупаница колку што можат посилно кога го читале зборот "стискај" на компјутерскиот монитор. Зборот се појавувал со црвена, сина или сива позадина.

И во двата случаи, црвената боја значително ја зголемувала силата, со тоа што учесниците кои гледале црвена боја покажувале повеќе сила отколку оние со сива боја. Во вториот експеримент, не само што биле посилни тие што гледале црвена боја, туку и побрзо реагирале.

Истражувањето се фокусирало на изометричките и не-насочувачките физички реакции, со што им се овозможило на истражувачите да ја измерат енергијата на испитаниците, но не и нивното однесување, кое варирало кај поединци.