Повеќето индивидуи често прават ирационални одлуки, особено кога станува збор за пари. Но, студиите во последните децении покажуваат дека една група на индивидуи постојано постигнува повисоки резултати во донесувањето на рационални одлуки - Будистичките медитатори.

Новата студија користи снимање на нервите за студирање на мозочната активност кога индивидуата се соочува со монетарен избор кој може да изгледа неправеден и открива дека Будистичките медитатори користат различни области од мозокот од другите кога се соочуваат со неправедни избори, овозможувајќи им да носат повеќе рационални од емоционални одлуки.

Истражувачкиот тим, воден од д-р Рид Монтаг, професор по физика на Вирџинија Тех Универзитетот, претпостави дека медитаторите ги обучиле своите мозоци да функционираат различно и да носат подобри избори во одредени ситуации.

Нивното истражување "ја нагласува клинички и социјално важната можност дека одржливиот тренинг при свесната медитација може да влијае врз разни области од човековото одлучување," вели Монтаг.

Истражувањето започна кога Монтаг се запраша дали некои луѓе се способни да ги игнорираат социјалните разгледувања за праведноста и може да ја ценат наградата базирана само на нејзините интринзични квалитети. "Тоа е," вели тој, "дали можат тие да ја одделат емоционлната реакција од своето однесување?"

Истражувачите ангажираа 26 Будистички медитатори и 40 контролни субјекти и ги набљудуваат нивните мозочни процеси користејќи функционален MRI (fMRI) додека субјектите ја играа "играта на ултиматум," во која првиот играч предлага како да се подели сумата на пари и вториот може да го прифати или да го одбие предлогот.

Истражувачите претпоставија дека "успешната регулација на негативните емоционални реакции би довела до зголемено ниво на прифаќање на неправедните избори," од медитаторите. Бихејвиоралните резултати ги потврдија хипотезите.

Но, резултатите од снимањето на нервната активност покажа дека будистичките медитатори ангажираа различни делови од мозокот од очекуваните. Истражувачите открија дека будистичките медитатори беа способни да ја променат мозочната активност од областа на мозокот поврзана со емоциите на гадење, одбивање, неверство и недоверба према мозочната област која ги следи нивните внатрешни телесни чувства.

Очигледно, будистичките медитатори беа способни да ги избегнат емоциите поврзани со неправдата и да се фокусираат на прифаќање и благодарност за било кои награди кои ги добиваат.

Како што забележаат истражувачите, "Оваа студија покажува дека трикот може да лежи не во рационалната калкулација, туку во избегнувањето на што-ако сценаријата и концентрирање на интероцептивните квалитети кои ја придружуваат секоја награда, без разлика колку мала е."