Момци, слушајте. Ако вашите другарчиња ви прават проблеми затоа што повеќе го сакате Моне наместо тимот Монетс, удрете ги со ова:

Eдно истражување покажува дека ценењето на културата и уметноста прави чуда за машкото здравје, го намалува ризикот од анксиозност и депресија. Мажите имаат придобивки од културните активности повеќе отколку жените.

После децении работа со пациенти со психичка и физичка болка, Конрад Куперс од одделот за јавно здравство и општа пракса на норвешкиот универзитет за наука и технологија, се заинтересира за многубројните истражувања кои покажуваат дека културните активности го подобруваат здравјето на пациентите. Тој добро ги разгледал истражувањата кои нашле врска меѓу физичката активност и подобреното физичко и ментално здравје, но многу пациенти што тој ги познавал не биле физички способни за секојдневни интензивни вежби.

Од друга страна, тие можеле да се справат со културните активности. Како и да е, постојат неколку истражувања кои го анализирале влијанието на уметноста – гледањето претстава на театар или читањето поема. Претходните истражувања биле фокусирани на здравјето на луѓето кои креирале или пак активно учествувале во културата – свиреле музички инструмент или пееле во црковен хор. Овие истражувања покажале врска меѓу ваквите креативни културни активности и подоброто здравје, но никое не направило разлика меѓу пасивниот и активниот контакт со културата и какво е тоа влијание врз здравјето.

Затоа, Куперс одлучил да ги искористи овие податоци во неговата родна Норвешка, истражувањето наречено Хант вклучуваше 130 000 испитаници кои редовно пополнуваа прашалници за нивниот живот, активности и здравје.

Работел само со податоците на преку 50 000 мажи и жени, и ги замолил да им каже колку често оделе на изложба, во музеј, на коцерт, на кино или театар, спортски натпревар или црква во последните шест месеци. Тој и неговиот тим ги замолиjа испитаниците да им кажат дали земале активно учество во културните активности како што се пеењето и танцувањето, или пак дали биле членови на некој клуб или организација. Тие исто така кажувале како стојат со здравјето и колку се задоволни од сопствениот живот.

Колку повеќе биле вклучени во културни настани, толку подобро било нивното здравје: 84% од оние што биле дел барем од 4 активности, без разлика дали биле активни или пасивни, покажаа дека нивното здравје значително се подобрило; 91% од нив биле задоволни од животот.

Но тоа што беше интересно за научниците беше како културните активности имале различно влијание врз мажите и жените.

Во споредба со жените, мажите имале подобрено здравје и сатисфакција и не чувствувале депресија или анксиозност ако биле пасивни учесници (оделе на изложба) отколку како активни (оние што свиреле на инструмент).

Мажите кои оделе во музеј или на изложба имале за 14% повисоки шанси да го подобрат здравјето отколку оние кои не посетувале вакви настани, а процентот кај жените беше 10%. Мажите кои оделе во црква ги зголемиле процентите за подобро здравје до 11 во споредба со оние кои не оделе, а кај жените скоро и да немало некаков напредок кога се работело за посета на црква.

Од друга страна, жените имале поголеми придобивки кога биле активни учесници во културните активности како што се пеење, танцување или членство во организации. Жените кои свиреле на инструмент или пак свиреле, ги зголемиле шансите за подобро здравје до 7% во споредба со жените кои биле пасивни, додека пак мажите кои свиреле на инструмент ги зголемиле шансите само за 1%.

Зошто постои разлика меѓу половите? Куперс сеуште не знае, а истражувањето не беше направено за да се открие тој податок, но тој смета дека можеби тоа има врска со фактот дека мажите и жените едноставно преферираат различни културни активности – а различните вкусови можеби се поттикнати од биолошките разлики. „Даваме теорија дека можеби има некои психоневролошки патишта што можат да ја објаснат разликата," – вели Куперс.

Меѓутоа, што е уште позначајно, тој вели дека резултатите покажуваат дека луѓето можат да го подобрат сопственото здравје дури и ако не се способни интензивно да учествуваат во интензивна физичка активност. „Користевме широка дефиниција за културните активности за луѓето да кажат кои активности ги сакаат," – вели Куперс. „Тоа е многу битно. Гледано од страна на психоаналитичар, способноста да се изгуби тензијата од секојдневниот стрес можеби е добра шанса да се подобрат здравјето и имуниот систем."

Исто така, луѓето кои учествуваат во културните настани ја подобруваат и физичката и менталната добросостојба, со тоа добиваат повеќе сила да се справат со физичките активности. „Знаеме дека 50% од слободното време се физички неактивни," – вели тој. „Затоа е добро да се знае дека учеството во вакви настани го подобрува вашето здравје."

Ова е точно, особено за мажите. Можеби овие податоци нема веднаш да ги мотивираат мажите да одат на театар, но ќе им укаже на врската меѓу културата и подобреното здравје. Момци, не грижете се, ако немате поддршка од пријателите, секогаш имате од науката.