Привлечноста е едно тврдоглаво чувство што е скоро невозможно да се игнорира. Ако ја разбереме нејзината природа, може да се заштитиме од кршење на срцето.

Без разлика дали сакаме или, без разлика дали сакаме да си признаеме или не, сексуалната/романтичната привлечност е значаен дел од животот и може да има многу големо влијание врз добросостојбата, расположението и самодовербата. Може да не' однесе на едно незгодно патување на кое можеме да доживееме огромен опсег на емоционални состојби, од еуфорија до целосна беспомошност.

Иако 99,9 % од светската популација се справува со привлечноста секој ден, од пубертет до сенилност, некои сметаат дека оваа моќна емоција не е доволно анализирана. За среќа, постојат извори кои ни нудат податоци за вистинската природа на привлечноста. Според Џек Морин, автор на книгата The Erotic Mind, постојат два основни типа на привлечност: страствена привлечност и романтична привлечност.

Страствена привлечност

Страствената привлечност е најчесто поврзана со психолошкиот апетит за секс. Предметот на страствена привлечност најчесто ги исполнува критериумите за да предизвика возбуда, најчесто во гениталиите. Иако станува збор за сосема нормална реакција на човечкото тело и мозок, во модерното американско општество фокусирано на моногамијата, страствената привлечност се смета за неприкладна. Исто така, строго е осудена од трите водечки религии – христијанството, јуадизмот и исламот.

Иако овие религии гледаат на сексуалната привлечност меѓу мажите и жените како на нешто што е прифатливо и достојно за почит, желбата за странец или пак туѓ партнер се смета за смртоносен грев. Иако љубовта се смета за доблест во трите религии, во христијанството, грешниците во потрага по страст имаат резервирано место во пеколот и ќе горат во вечниот оган.

Во јудизмот, девојките и момците (почнувајќи од 12-годишна возраст) не смеат меѓусебно да се допираат (ниту преку поздравување со рака) и се' тоа е со цел да ја избегнат страста, додека пак муслиманите осудуваат дури и поглед меѓу мажите и жените.

Сепак, страста треба да се прифати и да се почитува како наша природна желба за сексуална возбуда. Ако се поврзува со срам или вина, страста може да стане извор на себе-омраза и нездраво сексуално однесување. Доктор Морин смета дека луѓето кои растат со мислата дека сексот е одвратен се сосема оштетени исто како и оние кои биле сексуално малтретирани во нивното детство.

Романтична привлечност

За разлика од страствената привлечност која се базира на физички изглед, романтичната привлечност се базира на идеализација на саканата личност. Таа има подлабоко емоционално значење. Предметот на романтичната привлечност станува најфасцинантната личност во универзумот.

Романтичната привлечност е потенцијален извор на емоционална штета затоа што предизвикува опсесивни мисли за саканата личност, хронично фантазирање, сериозна зависност од нејзините/неговите постапки. Иако романтичната љубов ги изострува нашите сетила, ни дава и голема енергија и повремена еуфорија која се споредува со лудило. Една заљубена личност често се граничи со лудилото.

Најдобриот начин да се справите со овие привлечности е да ги претворите во слатко задоволство – прво да ги прифатите како нормален дел од животот. Посакувањето на некого кој ги исполнува нашите критериуми за привлечна личност е сосема природно како што е и детската насмевка. Привлечноста, пред се', дури и кога е невозвратена, не го прави човекот несреќен, само срамот и вината можат да Ве направат несреќни.