„Бев пијан/а." можеби не е веќе изговор за да ја избегнете одговорноста за вашето однесување за време на викендот...

Според едно ново истражување, луѓето под дејство на алкохол воопшто не се загрижени и не чувствуваат одговорност за нивното однесување.

Брус Бартхолоу, автор на истражувањето и професор на Универзитетот во Мисури, Колумбија, вели дека луѓето се свесни за своите постапки кога се пијани и затоа не треба да избегнуваат одговорност.

Јасно е дека алкохолот ја намалува способноста за нормално однесување во ситуации со друштво. Исто така, постојат докази дека алкохолот ги намалува анксиозноста и стресот.

Но ова истражување се фокусира на однесувањето на луѓето додека се под дејство на алкохол.

Во истражувањето беа вклучени 67 учесници на возраст меѓу 21-35 години кои беа поделени во 3 групи. Првиите две групи примаа течност за која им беше кажано дека е алкохол, а третата група примаше вистински алкохол. Учесниците од третата група пиеја алкохол се додека алкохолот во крвта им достигна до 0,09 проценти што е точно над легалната граница за возење под дејство на алкохол.

Потоа, учесниците решаваа компјутерска задача во која од нив се бараше да ги препознаат сликите од алати и пиштоли. Бартхолоу и неговиот тиме забележаа дека сите групи направија грешки. Подоцна, секој учесник требаше да каже дали задачата ја решиле точно, неточно или не се сигурни.

„Луѓето кои навистина беа пијани признаваа дека згрешиле исто колку и оние кои беа трезни." – вели Бартхолоу.

Истражувачите ја мереа мозочната активност на сите учесници за време на задачата. Бартхолоу вели дека пијаните испитаници имаа помала мозочна реакција кон грешки отколку трезните.

Тој вели дека трезните испитаници го приспособија нивното однесување и со тоа ја намалија мозочната активност откако направија грешка, додека пак испитаниците под дејство на алкохол продолжија да прават грешки без никакво приспособување.

„Луѓето треба да бидат свесни каде пијат и со кого се за да можат да ги увидат последиците од нивните постапки." – вели Бартхолоу.

Бартхолоу потенцира дека овие резултати произлегуваат после примена одредена доза на алкохол.

„Можеби постои доза на алкохол за која не важат овие податоци." – вели Бартхолоу.

Некои пак сметаат дека овие податоци не важат за студентите.

Касандра Дефранко, студентка во прва година на факултет за уметност и наука, вели дека резултатите не важат за повеќето студенти затоа што оние што се решени да пијат, конзумираат повеќе алкохол отколку тие 0,09 проценти според кои е направено истражувањето.

Кристина Ковалски, втора година на факултет за комуникации, вели дека на луѓето не им е гајле што прават додека се пијани.

„Повеќето од тие пијани одлуки се импулсивни и луѓето ги сметаат за лоши одлуки после тоа," – вели таа.

Себастијан Фуентес, прва година на факултет за уметност и наука, смета дека причината зошто многу студенти пијат е точно поради тоа што сакаат да носат лоши одлуки, но тоа не ја одзема одговорноста.

„И да е така, не е изговор да се каже дека сум бил пијан или пијана па затоа сум направила така." – вели Фуентес.