Ако досега не сте медитирале, време е да започнете. Прочитајте зошто...

Шерон Салѕберг вели дека ако не медитирала, многу поинаку ќе размислувала. Едно ново невролошко истражување покажува дека таа е во право.

Поради тоа што имала проблеми со трауми и проблеми за време на детството, Салѕберг заминала во Индија и почнала да се интересира за медитацијата. Тоа не само што и' помогна да го преброди тешкото минато, туку и' го промени самиот начин на размислување за одредени работи.

„Всушност, никогаш не сум размислувала доволно длабоко," - вели Салѕберг, која исто така е една од основачите на Insight Meditation Society и авторка на седум книги поврзани со медитација. „Се почувствував поконцентрирана, немав веќе проблеми со расеаноста. Се почувствував како светот да се отвори пред мене."

Едно ново истражување од Универзитетот Јеил предлага дека мозокот кој бил подложен на медитација, како во случајот со Салѕберг, почнува да функционира поинаку отколку кај луѓето кои не пробале медитација. Истражувањето дава нови податоци за тоа како се менува мозокот под влијание на медитација и дава докази дека работата на мозокот навистина се менува а ова може да се искористи во борбата против менталните болести.

Доктор Џудсон Бруер, директор на клиниката за терапевтска неврологија на Јеил и неговите колеги направија испитување врз 10 лица со искуство во медитацијата и 13 лица без искуство. Сите работеа на истите техники на концентрација, љубезност, дарежливост и свесност.

Притоа, истражувачите употребувале снимки направени со магнетна резонанца за да ја набљудуваат мозочната активност додека тие ги изведувале техниките и кога од нив било побарано да не размислуваат за нешто конкретно.

Бруер објасни дека искусните имале намалена активност во пределот на мозокот кој почнува да работи кога мислите лутаат. Дури и кога не медитирале, мозокот на овие луѓе бил сталожен, што не се случило кај оние кои немале искуство со медитација.

Бруер веќе 15 години се занимава со медитација, и вели дека тоа искуство исто така го подобрува начинот на кој мозокот комуницира со самиот организам.

„Луѓето кои медитираат работат по различен систем," - вели Бруер. „И нивниот мозок е скоро секогаш концентриран."

Многумина поминуваат долго време со умот во облаци, а истражувачите велат дека оваа појава има и позитивни и негативни страни. Самото фантазирање е добро за мозокот затоа што ја зголемува креативноста и помага и во други психолошки процеси.

Од друга страна, последните истражувања покажуваат дека мозокот кој фантазира, не е среќен. Во 2010 година, покажа дека луѓето кои биле несреќни, полесно се предавале на процесот на фантазирање и замислување на нереални работи.

Бруер исто така истакнува дека болестите од типот на анксиозност, депресија, пост-трауматско нарушување и шизофренија се всушност еден вид преокупираност со сопствените мисли, особено со негативните. Една серија на истражувања ги поврза овие болести со преголемата реактивност на мозокот и погрешното поврзување на мозочната мрежа.

„Медитацијата всушност го смирува овој регион на мозокот," - вели Бруер.

Медитацијата не е лек за менталните болести, вели Бруер, но претставува еден вид невролошка основа за понатамошно истражување - медитацијата ја зголемува свесноста, ја подобрува концентрацијата и когнитивната способност.