Како да оствариме личен раст и развој и да си помогнеме што подобро да се справуваме со идните проблеми во ова лудо време?

Животот е полн со транзиција и промени. Полн е со моменти од кои учиме за тоа кој сме навистина и што значи животот за нас. Голем дел од развојот кој го доживуваме е кога сме способни да ги надминеме предизвиците, да излеземе од комфорната зона и да станеме подоблесна и попрефинета личност. Позитивната психологија нуди неколку предлози кои може да ни помогнат да бидеме посилни во тешките времиња и да започнеме да бараме можности меѓу предизвиците. Ова се трите начини кои може да ни помогнат да се развиваме и прошируваме како личност.

Раст од несреќа

Вратете се во времето кога сте доживеале несреќа. Како сте се справиле со неа? Дали се згрчивте и ви опадна вољата или истрпивте и излеговте како посилна личност од порано?

Несреќата може да дојде во разни домени, како интерперсонални, професионални, финансиски или духовни. Но, без разлика во која област од животот се јавува несреќата, ни нуди можност за личен раст.На пример, конфликтот во врските може да ни помогне да изградиме посилна врска, а болката од развојот во нашиот професионален живот ни овозможува да се справиме со стресот и да бидеме подобар лидер на долги патеки.

На крајот, работата преку неуспеси, трауми или падови не учи на многу лекции и ние дознаваме колку всушност сме отпорни. Запрашајте се и размислете, како вие сте се вратиле после некој проблем или неуспех и како сте доживеале раст?

Раст од стравопочит и убавина

Понекогаш доживувањето на инспирација или нешто чудесно може да доведе до промена во начинот на кој го гледаме светот и нашето постоење. Размислете за времето кога сте биле сведок на нешто што инспирира преку стравопочитување, како некоја прекрасна природна глетка или импресивно дело на архитектура кое ја променило вашата перцепција на возможното. Можеби некое необјасливо духовно искуство ви помогнало да се проширите оставајќи ве со чувство на вчудоневиденост. Секогаш кога можеме директно да ја почувствуваме опширноста на светот и да одиме над самите нас ни дава шанса да го промениме начинот на кој ги гледаме работите и да станеме поотворени за тоа што е возможно.

Започнете да ја забележувате убавината на секојдневието. Најдете време да ја прегрнете уметноста и естетичките вредности на светот околу вас. Ова може да си го дозволите преку посета на музеј, минување на време во природа или уживање во музичкиот талент на концерт.

Раст од правење на добро

Друг начин на раст е откривањето на начин на кој можеме меѓусебно да си помагаме. Кога започнуваме да се фокусираме на другите наместо на себеси, веќе сме почнале да придонесуваме,  да правиме разлика во светот. Способни сме да се поврзиме со причина и да направиме свесен обид за да им помогнеме на другите да живеат подоблесно.

Како што ја развиваме нашата лична етика и интегритет, начинот на кој живееме драстично ќе се промени. Одлуките кои ги правиме ќе се базираат на личните вредности и убедувања кои се во согласност со нашите морални принципи. Растот доаѓа од личната трансформација, без разлика дали е намерна или посредна. Како што се менуваме и стануваме похрабра и поскромна личност, тоа ни ги отвора очите за целосноста на животот и ја проширува нашата желба да се ставиме себеси на работ и да живееме со карактер и сила.

Запрашајте се кога последен пат сте помогнале некому од срце, без да очекувате нешто за возврат? Ако неможете да се сетите, добар ден за тоа е денес.