Дали машкиот мозок се разликува од женскиот? Ако е така, која е разликата? Какво значење има таа разлика?

На еден неодамнешен собир на истражувачи, се разговараше баш за оваа тема. Не се дојде до јасен заклучок, но се посочија неколку значајни ставови. Еве неколку:

Идеологија. Истражувачите се согласија дека секоја разлика меѓу половите може да се искористи за објаснување на сексизмот. Но, Лари Кахил, невробиолог од Универзитетот во Калифорнија, го предложи сосема спротивното: Неговите колеги се премногу исплашени дека ќе бидат наречени "невросексисти", па не ни сакаат да ги разгледуваат половите разлики. Тројца од презентерите на собирот ги посочуваа сличностите и разликите.

Потоа, беа жестоко нападнати од две жени истражувачи кои имаа голема аверзија кон посочување на разликите и нивното влијание врз менталните болести кај жените. Заклучокот беше дека стравот од сексизам предизвикал пристрасност при посочување на половите разлики и притоа се намалува квалитетот на самата дискусија на таа тема.

Градење ставови врз еден факт. Мелиса Хинес, психолог од Универзитетот Кембриџ посочува дека не треба да се дава објаснување после анализа на само еден фактор. Во овој случај, големо влијание имаат хормоните, но и самата социјализација е битна. Едно истражување направено врз животни може да даде објаснување за улогата на гените, но не го опфаќа однесувањето на луѓето. Исто така, секој кој ги занемарува разликите меѓу половите во однос на нивното однесување, може да мисли дека машкиот мајмун сака да си игра повеќе со коли отколку со кукли. Сепак, Хинес смета дека за разликата меѓу половите не е виновно општеството.

Самоисполнетост. Маријан Врага, психолог од колеџот Смит, го изложи своето истражување за заканата од стереотипите кое покажа дека жените имаат проблем со менталната ротација кога им е кажано дека мажите се подобри од нив. Затоа, кога научниците зборуваат дека жените тешко работат со броеви, и тестот ќе го докаже тоа, за нив тоа не е реално. Истражувачите на собирот исто така разговараа за образование само од еден пол. Истражувачите Михаел Гуриан и Леонард Сакс дискутираа за огромните разлики меѓу половите, но со самото делење на половите во образованието се создава само поголема сегрегација во општеството која понатаму продолжува да влијае во зголемувањето на разликите.

Стереотипи. Девојките се различни од момците, и обратно. За ова се зборува во книгата „Женскиот мозок" а и сите ние знаеме дека „Мажите се од Марс, жените се од Венера". Разликите во полот не стојат како одделни структури, туку како појави кои се поклопуваат. Ако не се поклопуваа, немаше да знаеме дека има разлика меѓу мажите и жените.

Премногу интерпретирање на работите. Со денешната технологија, лесно е да се скенира и да се измере мозокот за да се пресмета кои се половите разлики во големината и активноста. Тешко е само да се открие значењето на тие разлики. Да, мозокот на машките фетуси плива во тестостерон но дали тоа влијае врз нивната способност да комуницираат и да ги искажуваат емоциите, како што сметаат некои теоретичари? Точно, мажите имаат поголема количина на сива маса, а жените имаат поголема количина на бела. Но, дали овој факт го поткрепува заклучокот дека поради ова жените можат да извршуваат повеќе задачи истовремено?