Доколку сметате дека сте чудак или аутсајдер, не очајувајте. Искористете го вашиот креативен потенцијал како славните личности.

Лејди Гага не само што пее и пишува песни, ја дизајнира сопствената облека и нејзините настапи, туку дури и режираше еден од нејзините спотови.

На Твитер напишала за нејзиниот креативен проект: „Дизајнирав нова нараквица за помош за Јапонија. Купете ја и цела донација ќе оди за Јапонија.“

Лејди Гага изјави дека се чувствувала како чудак во средно школо, а прави музика за фановите кои сакаат да се дружат со чудак.

Таа признава дека и’ требало долго време за да се помири со тоа што е и да се ослободи од потребата да се вклопи некаде и да биде како сите други иако тоа не го сака вистински. Еден од термините што ги користи за неа и за нејзините фанови е “чудовиште”.

„Понекогаш не се чувствуваш како победник, но тоа не значи дека навистина не си победник“ – рече таа за едно интервју.

Често се случува да се чувствуваме како чудаци кои не припаѓаат во општеството само заради тоа што сме почувствителни, интелигентни и креативни.

Актерот Џејмс Франко играше во телевизиската серија „Чудаци и бубалици“ и вели дека тоа е слика за неговото искуство во општеството.

„Јас бев и чудак и бубалица. Имаше забава во средно школо првите години, меѓутоа се’ тоа брзо минува па некако се оддалечив и станав самотник. Почнав да цртам и на крај станав дел од уметничката секција во училиштето.“

Етнички идентитет

Сликарката Лаура Молина вели: „Добивам потреба да го покажам мојот идентитет на највојнички начин.“

„Како една школувана девојка што зборува англиски и има мексиканско потекло, и е исто така феминистка, се чувствувам како да ме нема ниту во еден филм или емисија, исто како да сум само дел од еден стереотип.“

Актерот Вин Дизел има изјавено дека како млад го вознемирувале разликите кај членовите во неговото семејство. Тој се чувствувал како отпадник. „Јас бев црна овца. Морав да си го пронајдам својот идентитет. Морав да станам целосен.“

„Кога бев дете играв еден лик и за момент сметав дека мојот идентитет е јасен,“ – вели тој. „Можев да влезам во ликот и да сум сигурен кој сум јас, а кој е ликот.“

„Актерството не ме прави среќен. Тоа и не служи за да ме усреќи. Актерството ми е работа. Тоа е нешто со што морам да се занимавам за да бидам целосен. Тоа е причината поради која знам кој сум.“