Децата кои спијат помалку е поверојатно да имаат симптоми на анксиозност, депресија и агресија подоцна во животот, според нов извештај.

"Проблемите со спиењето се ризични показатели за подоцнежни емоционални тешкотии во детсвото и адолесценцијата и во зрелоста", според информациите во написот. "За да знаењето кое се однесува на поврзаноста помеѓу проблемите со спиењето и подоцнежните емоционални тешкотии и проблеми со однесувањето биде максимално искористено од докторот, од највисока важност е да се разјасни кои точно проблеми со спиењето се поврзани со подоцнежни тешкотии".

Алис М. Грегори, проф.Др. на Универзитетот во Лондон и нејзините колеги собираа податоци за спиењето на 2076 деца кои беа на возраст од 4 до 16 години на почетокот на истражувањето. Родителите го оценуваа спиењето на децата и нивното однесување на разни скали а некогашните деца подоцна пружија информации за своите сопствени емоции и однесување на возраст од 18 до 32 години.

Децата за кои родителите изјавија дека спијат помалку имаа високи резултати на скалите за анксиозност, депресија и агресивно однесување. "Постоеше некаква (иако помалку силна) поткрепа за поврзаност на други потешкотии со спиењето (како премореност и неволји со спиењето) и подоцнежни проблеми", забележуваат авторите. "Родителските известувања дека децата им спијат повеќе отколку што треба и ноќните мори не беа поврзани со подоцнежни тешкотии."

"Резултатите укажуваат дека децата кои спијат кус временски период можат да бидат подложни на ризик од подоцнежни потешкотии", заклучуваат авторите. "Докторите би требало да се информираат за проблемите со спиењето за време на детството и би требало да бидат свесни дека некои, но веројатно не и останатите, можат да сочинуваат ризични показатели за подоцнежни тешкотии".