Девојки, дали некогаш сте биле во врска во која партнерот не самo што ве контролирал туку и се однесувал насилно кон вас?

Знаете како е да се живее со дечко кој сака да контролира се’? Знаете – оној кој диктира се’ што треба да направите, да знае со кого излегувате, до колку можете да останете и се’ друго во вашиот живот. Повеќето жени знаат како е тоа, вели едно ново истражување што откри дека скоро 7 од 10 жени имале искуство со ваков тип на дечко и вакво однесување.

Исто така, една од три жени признале дека не само што биле во врска со дечко кој сака да контролира, туку и биле во врска каде што биле малтретирани, физички и сексуално.

Истражувањето ја анализираше поврзаноста меѓу врските и сексуалното насилство како и однесувањата на ваквите машки преку анонимно и компјутерско интервју во здравствениот центар за репродукција.

Од 603 жени (на возраст од 15 до 24 години) кои ја направија анкетата, 411 жени – цели 68% од жените признале дека имале искуство со мажи кои сакале да ги контролираат.

Повеќето од нив пријавиле само контролирачко однесување, а околу 38% пријавиле и дополнителни проблеми во нивните врски.

Меѓутоа, скоро 30% признале уште нешто повознемирувачко – тие биле жртви на физичко и сексуално насилство. Скоро 9% биле жртви на двата вида на насилство.

Авторите откриле дека има неколку фактори кои се поврзуваат со самото останување во ваква врска: девојките или биле тинејџерки (помеѓу 15 и 18 години), биле со мексиканско потекло, биле жртви на семејно насилство, имале повеќе бремености, биле сексуално злоупотребени, и се чувствувале непријатно да побараат од партнерот да стави кондом.

Од жените кои потврдиле дека се соочиле со вакви искуства, една од 10 жени ги доживеале сите форми на виктимизација – сексуална и физичка агресија како и контролирачко однесување од страната на партнерот.

На пример, 3,7% од жените пријавиле дека нивниот партнер барал од нив да побараат дозвола пред да одат на лекар, а 6,3% ги спречувале да контактираат со нивните пријатели и семејства.

Исто така, скоро 25% од жените пријавиле дека нивниот партнер ги игнорирал и бил индиферентен спрема нив. Дополнителни 26,5 проценти пријавиле дека нивните партнери ги спречиле да контактираат со пријателите.